Да ги почитуваме светиите
Во името на Отецот и Синот и Св. Дух!
Драги браќа и сестри!
Веќе поминаа 11 века откако нашиот заштитник и молитвеник, златниот св. Климент Охридски го заврши земниот подвиг. Но, неговото име и неговата слава секогаш светли и осветлува и е драгоцена за секој православен христијанин. Неговата слава и неговиот блесок никако не се намалува и не се затемнува. Во Светото писмо се вели: „А праведниците живеат довека: нивната награда е во Господа, за нив се грижи Севишниот“ (Мудр. 5,15).