„Кој ве слуша вас, Мене Ме слуша; и кој се откажува од вас, од Мене се откажува; а кој се откажува од Мене, се откажува од Оној што Ме пратил“ (Лука 10,16 - дел од евангелието кое се чита на празникот на св. ап. Тимотеј).
На 04.02.2012 година го прославивме празникот на светиот апостол Тимотеј, сотрудник и сопатник на св. ап. Павле, кој по неговата смрт станува епископ во Ефес и кој маченички ќе пострада за името Христово. Прославата во негова чест, како и по повод именденот на нашиот Митрополит Тимотеј, започна на 03.02.2012 година, со свечена вечерна богослужба во манастирот „Свети Климент и Пантелејмон“ – Плаошник во Охрид, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на протоереј-ставрофор Сашо Богданоски, протоереј Игор Никовски, свештениците Никола Христоски и Горан Ставрески и ѓаконите Николче Ѓурѓиноски и Владо Недески.
latest jordan Sneakers | Nike WMNS Air Force 1 '07 Essential , CZ0270-102 , Querrey
Торжествувањето на овој голем „војник Христов“ продолжија утредента, во истиот манастир, каде беше отслужена света архиерејска Литургија, на која чиноначалствуваше Митрополитот Тимотеј, во сослужение на архимандрит Нектариј, протоереј-ставрофор Сашо Богданоски, протоереите Димче Ѓорѓиески и Игор Никовски, свештениците Димче Азески и Горан Ставрески и ѓаконите Николче Ѓурѓиноски, Владо Недески и Васко Голабоски. По завршувањето на Литургијата беше прекршен празничниот колач, а Митрополитот Тимотеј им подели нафора на верните.
Во просториите на Административната зграда на Дебарско-кичевската епархија, вечерва ќе биде организиран прием за сите верни чеда кои ќе дојдат да му го честитаат именденот на нашиот Митрополит Тимотеј. Од името на свештенството и сиот православен верен народ, ви го честитаме именденот и се молиме на Бога уште многу години да го славите. На многаја лета!
