НАЈНОВО ОД ДЕБАРСКО-КИЧЕВСКАТА ЕПАРХИЈА

На 24 април 2009 година (Источен Петок – Балаклија) во црквата „Успение на Пресвета Богородица - Каменско“ во Охрид, се служеше света Литургија со која чиноначалствуваше Владиката г. Тимотеј а во сослужение на архимандрит Нектариј, протојереј-ставрофор Ефтим Бетински, свештениците: Љупчо Симиџиоски, Ромео Петрески, Диме Ѓорѓиески и Игор Никовски, како и ѓаконите: Димче Азески, Николче Ѓурѓиноски и Владо Недески. По завршувањето на Литургијата, Митрополит Тимотеј кон верниците се обрати со поучно слово со посебен акцент за Воскресението Христово како најсуштествен настан во историјата на Црквата. Потоа во дворот на црквата се изврши мал Водосвет и се благослови и прекрши празничниот леб.

На 23 април 2009 година (Светли Четврток), во црквата „Свети Јован Богослов“ - Канео во Охрид се служеше света Литургија. Со божествената Литургија чиноначалствуваше Неговото Високопреосвештенство Митрополит Дебарско-кичевски г. Тимотеј во сослужение на повеќемина свештенослужители од Охридското архиерејско намесништво. Кон верниот народ Владиката се обрати со богодахновено слово кое  интегрално ви го пренесуваме:

Христос Воскресна!!!
Велигден на Плаошник

На Велики Петок, во црквата „Света Богородица“- Каменско во Охрид беа отслужени Царските часови и симнување на Телото Христово од Крстот. Со богослужбата чиноначалствуваше Владиката г. Тимотеј во сослужение на повеќемина свештенослужители, а вечерта во црквата „Света Богородица-Перивлепта“ во Охрид беше извршено оплакувањето Христово.
Кон верниот народ Владиката се обрати со слово кое интегрално ви го пренесуваме:

На Велики Четврток, во црквата „ Свети Георгиј“ во Охрид, Владиката г. Тимотеј во сослужение на повеќемина свештенослужители отслужи света Литургија. По завршувањето на Литургијата, Владиката заедно со свештенослужителите отслужија света Тајна Елеосвештение.