НАЈНОВО ОД ДЕБАРСКО-КИЧЕВСКАТА ЕПАРХИЈА

На 2 април 2010 година, Велики Петок, вечерта со почеток во 19 часот, во црквата света Богородица -  Перивлепта во Охрид, се изврши оплакувањето Христово со пеењето на статиите. Со богослужбата чиноначалствуваше Владиката г. Тимотеј.

На 02 април 2010 година, Велики Петок, утрото кога се читаат Царските Часови, Неговото Високопреосвештенство Митрополит Дебарско-кичевски г. Тимотеј богослужеше во црквата света Богородица – Каменско. На вечерната беше изнесена светата Плаштаница во средината на храмот.

Sports Shoes | Nike Off-White

На 01 април 2010 година, Велики Четврток, во црквата свети Ѓорѓи во Охрид, во спомен на востановувањето на светата Тајна Причест, Надлежниот Митрополит г. Тимотеј во сослужение на повеќемина свештено служители служеше света Василиева Литургија. Верниот народ подготвен со пост и молитва пристапи кон светиот Путир и се причести со Телото и Крвта Христови. После завршувањето на Литургија, во средината на храмот, Владиката заедно со останатите свештенослужители извршија Маслосвет.

На 31 март 2010 година, Велика Среда, во црквата света Богородица – Каменско во Охрид се служеше Литургија на Претходноосветените Дарови. Со светата Литургија чиноначалствуваше надлежниот Митрополит г. Тимотеј во сослужение на: архимандрит Нектариј, јереј Сашо Ристески, јереј Димче Азески и ѓакон Николче Ѓурѓиноски.