Поука од Свети Климент Римски

И така, бидејќи му припаѓаме на Светиот Бог, да правиме сѐ што се однесува на светоста, избегнувајќи злословија, нечисти и порочни врски, пијанства, страсти кон новотарии во верата, ниски похоти, скверно прељубодејство и гнасна гордост. Бидејќи е речено: ,,Бог им се противи на горделивите, а на смирените им дава благодат” (1 Петар 5, 5). И така, да се присоединиме кон оние кому им е дадена благодат од Бог, да се облечеме во едномислие, да бидеме смирени, воздржливи, далеку од секоја клевета и злоречие, оправдувајќи се себеси со дела, а не со зборови… Нашата пофалба да биде од Бог, а не од нас самите; Бог ги мрази оние што самите себе се фалат. Нека сведоштвото за нашето добро поведение биде дадено од други.