Свештенство

Протоереј-ставрофор Никола Христоски

Протоерејот-ставрофор Никола Христоски е секретар на Дебарско-кичевската епархија.

Телефонски број: 078 377 544

Раѓање и школување

Роден на 14 јуни 1983 година во Охрид, од родители Иван и Дола, со живеалиште во Охрид. Основно образование завршил во ОУ „Григор Прличев“ во Охрид. Средно богословско образование завршил во МПБ „Св. Климент Охридски“ во Скопје, како дел од 35. генерација богослови, во учебната 1998–2003 година. Во учебната 2003/04 година се запишал на Теолошкиот факултет „Св. Климент Охридски“ во Скопје, како кандидат од Дебарско-кичевската епархија. Факултетот го завршил во 2010 година, со што се стекнал со академски степен дипломиран теолог.

Ракополагања

На 9.VIII 2001 год. произведен е во чин чтец во храмот „Св Богородица – Перивлепта“ во Охрид од страна на митрополитот Тимотеј. На 21.X 2007 год. ракоположен е за ипоѓакон и ѓакон од страна на Митрополитот Тимотеј, во манастирот „Св. Богородица Пречиста“ во Кичево.

Протоѓакон Николче Ѓурѓиноски

Епархиски протоѓакон на Дебарско-кичевската епархија

Телефонски број: 078 330 425

Раѓање и школување

Роден на 24 март 1981 година во Струга, од родители Ѓуро и Славица, со живеалиште во с. Луково, Струшко. Основно образование завршил во с. Луково. Средно богословско образование завршил во 2003 година во Македонската православна богословија „Св. Климент Охридски“ во Драчево – Скопје. Со благослов на надлежниот митрополит Тимотеј и со благослов на Светиот архијерејски синод на МПЦ, во 2003 година се запишал на Московската православна духовна академија во Москва, која ја завршил во 2007 година. Постдипломските студии ги завршил во 2012 година и се стекнал со степен магистер по богословски науки. Во 2015 година се запишал на докторски студии на Институтот за национална историја во Скопје, кои ги завршил во 2023 година.

Ракополагања

На 3.VII 2008 год. ракоположен е за ипоѓакон и ѓакон од страна на митрополитот Тимотеј, а на 7.VII 2013 год. од страна на митрополитот Тимотеј е произведен во чин протоѓакон во манастирот „Св. Јован Крстител – Бигорски“.

Протоереј-ставрофор Александар Димоски

Парохиски свештеник при црквата „Св. вмч. Георгиј“ – Струга

Телефонски број: 071 937 412

Раѓање и школување

Роден на 11. III 1992 година во Охрид, од родители Љупчо и Софка, со живеалиште во с. Ботун, Дебарца. Основно училиште, од прво до четврто одделение, завршил во с. Ботун, а од петто до осмо одделение во с. Белчишта, Дебарца. Со благослов на надлежниот митрополит Тимотеј во учебната 2006/2007 година се запишал во МПБ „Св. Климент Охридски“, која ја завршил како ученик на генерацијата во 2011 година. Истата година, повторно со благослов на надлежниот архиереј, своето образование го продолжил на Теолошкиот факултет при Аристотел Универзитетот во Солун, Р. Грција. Дипломирал на 8. VII 2016 година на отсекот за Пастирска и социјална теологија. Со благослов на својот митрополит, продолжил на постдипломски студии на истиот факултет во Солун, на катедрата за Литургика, археологија и уметност, специјалност: Литургика.

Ракополагања

На 28. VIII 2017 година во храмот „Успение на Пресвета Богородица – Каменско“ во Охрид е ракоположен за чтец, ипоѓакон и ѓакон од страна на митрополитот Дебарско-кичевски Тимотеј. На 21. IX 2017 година во манастирот „Благовештение на Пресвета Богородица – Пречиста“ во Кичево е ракоположен за свештеник од страна на митрополитот Тимотеј.

Протоереј Александар Матески

Парохиски свештеник при црквата „Св. Петар и Павле“ – Кичево

Телефонски број: 078 422 153

Раѓање и школување

Роден е на 11. IX 1987 година во Кичево, од родители Боривој и Розина, со живеалиште во Кичево. Основно училиште, од прво до осмо одделение, завршил во Кичево. Средно училиште завршил во Македонската православна богословија „Св. Климент Охридски“ – Скопје во 2007 година. Се запишува на Теолошкиот факултет „Св. Климент Охридски“ – Скопје во учебната 2007/08 година. Факултетот го завршува на 10. II 2015 година и се стекнува со академски степен дипломиран теолог.

Ракополагања

На 4. II 2013 година во манастирот „Св. Климент и Пантелејмон“ – Плаошник во Охрид, од страна на митрополитот Дебарско-кичевски Тимотеј е ракоположен за чтец, ипоѓакон и ѓакон. На 10. II 2013 година во храмот „Св. Петар и Павле“ во Кичево, од раката на митрополитот Тимотеј е ракоположен во свештенички чин и поставен на парохиска служба во Кичево.

Протоереј Атанас Казанџиски

Парохиски свештеник при црквата „Св. Козма и Дамјан“ – с. Пештани

Телефонски број: 070-593-553

Раѓање и школување

Роден на 18. XI 1970 година во с. Митрашинци – Берово, од родители Димитар и Нада, со живеалиште во с. Митрашинци – Берово. Основно училиште завршил во ОУ „Гоце Делчев“ во с. Митрашинци. Потоа се запишува во МПБ „Св. Климент Охридски“ во Драчево – Скопје во учебната 1985/86 година и завршува во учебната 1989/90 година како кандидат на Брегалничката епархија.

Ракополагања

На 6. VI 1993 година ракоположен е за чтец, ипоѓакон и ѓакон во храмот „Св. Богородица“ во Делчево, а на 13. VI 1993 година во манастирот „Св. Архангел Михаил“ во Берово е ракоположен во свештенички чин од митрополит Брегалнички Стефан, сега архиепископ Охридски и Македонски Стефан. На 19. III 1999 година, со одлука бр. 12 од Брегалничката епархија, добива условен канонски отпуст за премин во Дебарско-кичевска епархија, а на 29. III 1999 година, добива конечен канонски отпуст и канонски прием во Дебарско-кичевска епархија.

Свештеник Васил Михајлоски

Парохиски свештеник при црквата „Св. Никола“ – Геракомија во Охрид

Телефонски број: 076 711 220

Раѓање и школување

Роден на 16.IV 1995 год. во Охрид, со место на живеење во Охрид, од родители Милчо и Славица Михајлоски. Основно образование завршува во ОУ „Христо Узунов“ во Охрид. Во 2010 год. се запишува во МПБ „Св. Климент Охридски“ Скопје, генерација 2010-2015, а потоа продолжува со студии на ПБФ „Св. Климент Охридски“ Скопје генерација 2015-2019. Во 2025 година успешно дипломира на ПБФ „Св. Климент Охридски“ во Скопје и се здобива со академски степен дипломиран теолог.

Ракополагања

На 04.II 2021 год. е ракоположен за чтец, ипоѓакон и ѓакон во манастирот „Свети Климент и Пантелејмон“ – Плаошник , од страна на митрополитот Тимотеј,. На 09.VIII 2021год. е ракоположен за свештеник во манастирот „Свети Климент и Пантелејмон“ – Плаошник, од страна на митрополитот Тимотеј.

Протоереј Васко Голабоски

Парохиски свештеник при храмот ,,Св.вмч. Георгиј” – Струга

Телефонски број: 078 330 454

Раѓање и школување

Роден на 5. III 1982 година во Струга, од родители Владимир и Виолета, со живеалиште во Струга. Основно училиште завршил во Струга. Средно училиште завршил во УСО „Нико Нестор“ – Струга, природно-математички оддел. Запишан е на Теолошкиот факултет „Св. Климент Охридски“ во Скопје во учебната 2000/01 година, како кандидат од Дебарско-кичевската епархија. Факултетот го завршил во 2011 година и се стекнал со академски степен дипломиран теолог.

Ракополагања

На 22.II 2009 год. ракоположен e за ѓакон од страна на митрополитот Тимотеј во црквата „Св. вмч. Ѓорѓи“‒ Струга. На 20. X 2013 година е ракоположен во свештенички чин од страна на митрополитот Дебарско-кичевски Тимотеј, во црквата „Успение на Пресвета Богородица – Каменско“ во Охрид.

Протоереј Горан Ставрески

Парохиски свештеник при храмот ,,Св.вмч. Георгиј” во Охрид.

Телефонски број: 075 446 472

Раѓање и школување

Роден на 14. VI 1978 година во Охрид, од родители Кирил и Мирјана. Основно училиште завршува во 1993 година во ОУ „Григор Прличев“, а средно електромашинско образование завршува во ЕМУЦ „Св. Наум Охридски“ во Охрид. Во 1997 година, со благослов на митрополит Тимотеј, се запишува на ПБФ „Св. Климент Охридски“ во Скопје. На факултетот дипломира во 2013 година и се стекнува со академски степен дипломиран теолог.

Ракополагања

На 21. IX 2010 година во манастирот „Св. Богородица Пречиста“ во Кичево е ракоположен за чтец, ипоѓакон и ѓакон од страна на митрополит Тимотеј. На 30. IX 2010 година во катедралната црква „Света Софија“ во Охрид е ракоположен за свештеник од страна на митрополит Тимотеј.

Свештеник Димитрија Павлески

Парохиски свештеник на Драслајчка парохија при црквата „Успение на Пресвета Богородица“ – с. Драслајца

Телефонски број: 076 260 090

Раѓање и школување

Роден на 1. XI 1978 година во Струга, од родители Васил и Ружица, со живеалиште во село Подгорци, Струшко. Основно училиште завршил во ОУ „Гоце Делчев“ во с. Подгорци, а образованието го продолжува во средното богословско училиште „Св. Климент Охридски“ во Драчево во учебната 1993/1994 година. Истото го завршува во учебната 1997/1998 година. Запишан е како студент на Теолошкиот факултет „Св. Климент Охридски“ во Скопје.

Ракополагања

На 1. III 2015 година е ракоположен за чтец, ипоѓакон и ѓакон од митрополитот Тимотеј во црквата „Св. вмч. Ѓорѓи“ во Охрид. На 15. III 2015 година е ракоположен во свештенички чин во црквата „Св. вмч. Ѓорѓи“ во Струга од страна на митрополитот Тимотеј.

Свештеник Димко Димковски

Пензиониран свештеник кој ги опслужува Велмејската парохија при црквата „Св. Никола“ – с. Велмеј и Слатинската парохија при црквата „Воведение на Пресвета Богородица“ – с. Слатино

Телефонски број: 071 698 002

Раѓање и школување

Роден е на 6. X 1949 година во село Лешани, каде што завршил основно образование во ОУ „Дебарца“ во Велмеј. Средно образование завршил во Македонската православна богословија „Св. Климент Охридски“ во Скопје, во генерацијата 1967–1972 година.

Ракополагања

За ѓакон е ракоположен на 7. I 1975 година во црквата „Св. Богородица“ во Гостивар. За свештеник е ракоположен на 8. I 1975 година во црквата „Св. Кирил и Методиј“ во Тетово. И двете ракополагања се извршени од страна на митрополитот Полошко-кумановски Кирил, со одобрение на митрополитот Дебарско-кичевски Методиј. Во пензија заминува во 2013 год.