Поука од Свети Иринеј Лионски

На сите што имаат љубов кон Него, Бог им го дава Своето општење. Општењето со Бог е живот и светлина и насладување со сите блага што се во Него. А сите што по сопствена волја отстапуваат од Него, Он ќе ги предаде на оддалечување од Себе што самите си го избрале. Како што оддалечувањето од светлината е темнина така и оддалечувањето од Бог е лишување од сите блага што се во Него. Но благата Божји се вечни и бескрајни, затоа и нивното губење е вечно и бескрајно; така, грешниците сами ќе бидат причина за своите маки, исто како оние што се ослепиле не ја гледаат светлината, иако таа свети над нив.