На 07.10.2015 година, во просториите на Универзитетскиот конгресен центар во Охрид, беше промовирано капиталното дело за сиот православен свет, досега издадено во триесет и осум тома, „Православна енциклопедија“. Ова грандизоно и историско дело за православната екумена, кое го има во печатено, но и во електронско издание, не е само обично издание, туку и цел научен центар, во кој редовно работат повеќе од сто вработени, а истото има свои претставништва во повеќе православни земји. На промоцијата свечено беше најавено и отворањето на едно вакво претставништво и во нашата земја, на чие чело ќе застане рекоторот на Универзитетот „Св. Кирил и Методиј“ Скопје, проф. д-р Велимир Стојковски. На промоцијата присуствуваше директорот на „Православна енциклопедија“, г-дин Сергеј Кравец, како и специјалниот претставник за меѓународна културна соработка на Претседателот на Руската федерација, г-дин Михаил Швидкој. Промоцијата ја проследија и повеќе свештенослужители на Македонската православна црква - Охридска архиепископија, кои беа водени и од Неговото Блаженство Архиепископот Охридски и Македонски г.г. Стефан. На промоцијата присуствуваше и Неговото Високопреосвештенство Митрополитот Дебарско-кичевски г. Тимотеј, градоначалникот на Охрид, г-дин Никола Бакрачески, заменикот министер за култура на РМ, г-дин Драган Неделковиќ, научни работници и останати гости.
Authentic Nike Sneakers | Nike Running
Гостите од Русија истакнаа дека им е чест да бидат присутни во градот Охрид, од каде што се изворите на словенската писменост и култура, и дека тоа им создава длабоки чувства. Во наредните изданија ќе бидат обработени и повеќе статии, посветени на Македонија и на Македонската православна црква и древната Охридска архиепископија.
Промоцијата заврши утредента, на 08.10.2015 година, во охридскиот катедрален храм „Св. Софија“, со свечен концерт на хорот на Подворјето на Руската православна црква во Софија, Р. Бугарија.