„Оној што се облекува со светлина како со риза, необлечен стоеше на судот и по образот прими удари од рацете што ги создаде: беззаконите луѓе на крст Го приковаа Господа на славата: тогаш храмовата завеса се раздра, сонцето се помрачи, не можејќи да го гледа понижувањето на Бога, пред Кого трепери сѐ што е создадено: Нему да Му се поклониме“ (Десетти антифон на Утрена на Велики Петок).
На 05.04.2018 година, во вечерните часови на Велики Четврток, кога според црковниот устав ја служиме Утрената богослужба од Велики Петок, во храмот „Св. Климент Охридски“ во Канбера, Австралија, беше отслужена Утрена богослужба со читање на Дванаесетте страдални евангелија, на која чиноначалствуваше Неговото Високопреосвештенство Митрополитот Дебарско-кичевски и Администратор Австралиско-сиднејски г. Тимотеј, во сослужение на протоереј-ставрофор Димче Ѓорѓиески, свештеникот Радојчо Митрев и протоѓаконот Николче Ѓурѓиноски. По завршувањето на богослужбата, Митрополитот Тимотеј се обрати кон верниот народ со пригодно слово.
short url link | Nike News