На 21.04.2023 година, во Петокот од Светлата седмица - Источен петок - Блакалија, во посета на Охрид и охридските светињи беа богословите матуранти од Средното богословско училиште „Св. Арсениј Сремац“ од Сремски Карловци, Р. Србија, предводени од ректорот на богословијата, протоерејот Јован Милановиќ, како и двајца други професори. Богословите беа пригодно дочекани и во Митрополитскиот административен центар на Дебарско-кичевската епархија во Охрид од страна на Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, каде што беше приредена и свечена трпеза на љубовта.
