„Тебе, Богородице, поборнице-војвотко, ние Твоите слуги, откако се избавивме од зло, Ти пееме победна песна. Ти имаш неподлива сила, ослободи нè од секакви опасности, за да Ти пееме: Радувај се, Невесто неневесна“ (I Кондак на Акатист на Пресвета Богородица).
Според Црковниот устав (Типикот), во првите пет петоци од Великиот пост, предвидено е да се служи Мало повечерие заедно со Акатистот на Пресвета Богородица. Акатистот е поделен и се чита во првите четири петоци на четири дела (статии), а во последниот петок се чита целосно.
latest Running Sneakers | Sneakers
На ден 02.03.2012 година, прв петок од Великиот пост, во храмот „Пресвета Богородица – Каменско“ во Охрид, попладнето беше отслужено Мало повечерие со Акатист на Пресвета Богородица. На службата присуствуваше и Неговото Високопреосвештенство Митрополитот Дебарско-кичевски г. Тимотеј, а служеше свештеникот Никола Христоски. Многубројниот народ се помоли на нашата постојана Застапничка пред Бога и ја целива нејзината света икона.
„Преславна Приснодево, Мајко на Христа Бога, принеси Му ја нашата молитва на Твојот Син и наш Бог, за преку Тебе да ги спаси нашите души“.