„Претставувајќи го на икона Твојот божествен лик, Христе, јасно ги воспеваме Твоето раѓање, неискажливите чудеса и доброволното распнување. Од тоа и демоните во страв бегаат и безбожните во срам редат, како нивни соучесници“ (седален на Недела на православието).
На секоја од неделите во Великиот пост, освен своето значење како ден на Воскресението, Црквата им дава и друго, инакво - поодредено значење. На ден 04.03.2012 година, Првата недела од Великиот пост - Недела на православието, кога ја прославуваме победата над иконоборството и повторното воведување на иконите во храмовите, во храмот „Св. Никола – Геракомија“ во Охрид, беше отслужена света архиерејска Василиева Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, протоереј Игор Никовски, свештениците Љупчо Симиџиески и Горан Ставрески и ѓаконот Николче Ѓурѓиноски. Мноштво верни чеда зедоа учество во евхаристиските молитви и пристапија кон светите Тајни.