Ако првиот Адам беше непослушен и заради тоа ја „прими смртта како плата за гревот“, сега вториот Адам – Христос, се покорува и се понизува, станува послушен и Оној преку Кого Бог сè создаде, сега на Крст се распнува. Безгрешниот ги зема гревовите на светот и се принесува како Јагне непорочно за светот.
Во светиот и Велики Четврток вечерта, кога всушност се пее утрената од Велики Петок, си спомнуваме за страшните и спасителни страдања на нашиот Спасител Господ Исус Христос, Кој претрпе тепање, плукање, шлаканици, крст и смрт заради нас грешните. На овој ден се изнесува и Распетието Христово, за целиот народ да му се поклони и да им оддаде почит на Неговите страдања, а се читаат и 12 Евангелија, во кои се опишува неговиот пат до Голгота.
Running Sneakers Store | New Balance 530 Til Kvinder, hvid - MR530SG
На 12.04.2012 година, на Велики Четврток вечерта, Неговото Високопреосвештенство Митрополитот Дебарско-кичевски г. Тимотеј, богослужеше во храмот „Св. вмч. Ѓорѓи“ во Струга, во сослужение на протоереј-ставрофор Илија Танаскоски, протоереите Темелко Донески и Митре Попоски, свештениците Ристе Наумоски и Петре Бојчиноски и ѓаконите Николче Ѓурѓиноски и Васко Голабоски.
