„Сè што дише и секоја твар Те слави Тебе, Господи, зашто со Крстот си ја уништил смртта, за да им го покажеш на луѓето Твоето Воскресение од мртвите, како единствен Човекољубец“ (хвалитна стихира во Понеделник од Светла седмица).
На 16.04.2012 година, Втор ден Велигден, Неговото Високопреосвештенство Митрополитот Дебарско-кичевски г. Тимотеј чиноначалствуваше на Литургијата во храмот „Св. вмч. Ѓорѓи“ во Струга, во сослужение на архимандрит Нектариј, протоереј-ставрофор Илија Танаскоски, протоереј Игор Никовски, свештеник Горан Ставрески и ѓаконите Николче Ѓурѓиноски и Васко Голабоски. По завршувањето на Литургијата Митрополитот Тимотеј се обрати кон верниот народ со поучно слово за значењето на Христовото Воскресение и неговата улога во животот на христијаните и ги поздрави со древниот христијански поздрав:
Христос воскресе!