„Отче наш Јоакиме, те почитуваме како наставник на мноштво монаси, бидејќи по твојот пат научивме навистина право да одиме. Блажен си, откако на Христа Му послужи и ја изобличи вражјата сила; соговорнику на ангелите, заедничару со преподобните и праведните. Со нив моли Му се на Господа, да ги помилува душите наши“ (стихира на Стиховни стихири на св. Јоаким Осоговски).
Running sport media | Air Jordan Retro - 2021 Release Dates + Preview , Fitforhealth
На 29.08.2012 година го празнуваме празникот на свети Јоаким Осоговски и на Неракотворниот лик на нашиот Спасител Господ Исус Христос. Како и секоја година, така и оваа, во манастирот „Св. Климент и Пантелејмон – Плаошник“ во
Охрид, на овој ден беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, протоереј Игор Никовски, свештениците Никола Христоски и Горан Ставрески и ѓаконите Васко Голабоски и Сашо Целески. По завршувањето на Литургијата беше прекршен празничниот колач, а Митрополитот Тимотеј на верното стадо му подели нафора.