На 06.05.2013 година, на празникот Воскресение Христово – Втор ден и св. вмч. Георгиј Победоносец – Ѓурѓовден, во храмот „Св. вмч. Ѓорѓи“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, протоереите Димче Ѓорѓиески и Игор Никовски, свештениците Никола Христоски и Владо Недески и ѓаконите Николче Ѓурѓиноски и Сашо Целески. По завршувањето на Литургијата, Митрополитот Тимотеј се обрати кон присутните со пригодна беседа, а потоа беше извршен и чинот на Водосвет во Светлата недела и беше прекршен празничниот колач.