На ден 06.05.2013 година, кога го прославивме Вториот ден од Воскресението Христово, како и великиот маченик и победоносец Георгиј, Митрополитот Тимотеј, во сослужение на архимандрит Нектариј, протоереј Митре Попоски, свештениците Зоран Попоски и Никола Христоски и ѓаконот Николче Ѓурѓиноски, го освети и положи камен-темелникот на новиот манастир во општина Вевчани, посветен на св. вмч. Георгиј. Манастирот се гради по иницијатива и со помош на жителите на општина Вевчани, како и од доброволните прилози на сите пријатели на општината. На осветувањето присуствуваа многубројни верници од општината, како и од соседните населени места. На чинот на осветувањето присуствуваа и Премиерот на Р. Македонија г-дин Никола Груевски и градоначалникот на општина Вевчани, г-дин Цветомир Угриноски. На сите жители на Вевчани им го честитаме овој свечен и велик настан и се молиме и просиме Божја помош за што поскоро изградување на манастирот.
latest Running | Official Images Of The Air Jordan 4 University Blue WMNS Shimmer Bronze Eclipse DJ0675-200 , Fitforhealth
