На 12.05.2013 година, во посета на Дебарско-кичевската епархија беше гостинот од Руската православна црква, Неговото Високопреосвештенство Митрополитот Тамбовски и Расказовски г. Теодосиј. Негов домаќин беше Неговото Високопреосвештенство Митрополитот Дебарско-кичевски г. Тимотеј, кој најпрво го пречека ценетиот гостин во манастирот „Св. Јован Крстител – Бигорски“. По осветувањето на новата камбана во манастирот, Митрополитите допатуваа во Охрид, каде го посетија катедралниот храм „Св. Софија“ и храмот „Пресвета Богородица Перивлепта“, а потоа го посетија и Административниот центар на Дебарско-кичевската епархија. По краток одмор, гостите се упатија во манастирот „Св. Климент и Пантелејмон“ на Плаошник во Охрид, каде се поклонија на моштите на светиот Климент Охридскиот Чудотворец. На крајот, сите заедно отидоа во едно од нашите најголеми духовни светилишта, манастирот „Св. Наум Охридски“, каде се поклонија на гробот на преподобниот и ја завршија својата посета.
best Running shoes brand | Air Jordan 4 - Collection - Sb-roscoff
