„Адот царува над родот човечки, но неговата власт не е вечна. А кога легна во гробот, Сесилен, со Твојата животворна рака, си ги скршил клучевите на смртта, и на оние што од вечноста таму спиеле, Ти им го проповедаше вистинското избавување, Спасителе, Кој си првенец од мртвите“ (песна од канонот на Утрена на Велика Сабота).
Седржителот, денеска на крст се возвисува и во гроб се полага, а сето создание тажи и плаче. Плаче, но и се восхитува, зашто Несместливиот во гроб ракотворен се сместува и во адот слегува, за да им го проповеда Евангелието и на мртвите и да им го навести Царството Небесно. О, чудо, добрино и трпение неискажливи!
Sports News | Zapatillas de running Nike - Mujer
На 18.04.2014 година, кога си спомнавме за овие настани, Неговото Високопреосвештенство Митрополитот Дебарско-кичевски г. Тимотеј, чиноначалствуваше на богослужбата во храмот „Св. вмч. Ѓорѓи“ во Охрид, во сослужение на архимандрит Нектариј, протоереј-ставрофор Сашо Богданоски, протоереите Димче Ѓорѓиески и Игор Никовски и протоѓаконот Николче Ѓурѓиноски. Свештенството и верниот народ, во заеднички молитви го испеаја Опелото Христово, и како некогаш Јосиф, го положија телото Исусово во гробот. Господи, Кој слезе во адот да ја скршиш силата на смртта и да го избавиш човештвото, како Бог бесмртен, откако ќе воскреснеш, и нас да нè оживиш.
