На 31.05.2014 година, на празникот на св. мч. Теодот Анкирски и св. мч-ци Петар, Дионисиј и други, Неговото Високопреосвештенство Митрополитот Дебарско-кичевски г. Тимотеј, во сослужение на архимандритот Партениј, еромонасите Доситеј, Макариј и Еразмо, свештениците Никола Христоски и Благоја Спироски, протоѓаконот Николче Ѓурѓиноски и ероѓаконот Силуан, изврши осветување и го положи камен-темелникот на храмот – скит на Бигорскиот манастир, посветен на светите солунски браќа, сесловенските просветители Кирил и Методиј. Новиот храм се наоѓа во с. Битуше, на висорамнината над планината Крчин. Храмот се гради по иницијатива на архимандритот Партениј, игумен на манастирот „Св. Јован Крстител - Бигорски“, а дарители на храмот се семејството Џиковски од Скопје.