На 01.06.2014 година, во Седмата недела на светите Отци и на празникот на светиот Патрикиј епископ Бруски, Неговото Високопреосвештенство Митрополитот Дебарско-кичевски г. Тимотеј, во сослужение на свештениците Никола Христоски и Ромео Петрески и протоѓаконот Николче Ѓурѓиноски, изврши осветување на новиот храм „Св. Јован Крстител“ во с. Г. Лакочереј, Охрид. Изградбата на храмот започна во 2006 година, а ктитор на истиот е Димитриеска Нада од истото село. Храмот се изгради со доброволните прилози на жителите на селото и пошироката околија. По завршувањето на Литургијата, Митрополитот Тимотеј се обрати кон верниот народ со пригодно слово, во кое ги поучи за двете природи на Богочовекот Христос, а за кое учење и верување ревносно се бореле 318 Отци од Првиот вселенски собор. Токму овие свети Отци Митрополитот ги посочи како пример, на кој сите ние треба да се угледаме, за да ја сочуваме чиста и неосквернета нашата вера православна, а за прослава на Христа и за спасение на нашите души.
Asics footwear | Sneakers Nike Shoes
