НАЈНОВО ОД ДЕБАРСКО-КИЧЕВСКАТА ЕПАРХИЈА

Денот кога Православната црква го прославува Соборот на свети Јован Пророк, Претеча и Крстител Господов, во црквата „Свети Јован Канео“ се служеше света, архиерејска Литургија на која чиноначалствуваше Неговото Високопреосвештенство, Митрополитот Дебарско-кичевски, г. Тимотеј, во сослужение на архимандрит Нектариј, игумен на манастирот „Свети Наум Охридски, свештеник Димче Ѓорѓиески, парох Варошки, свештеник Игор Никовски, секретар на Дебарско-кичевскатра епархија, свештеник Никола Христоски, редовен свештенослужител во Плаошкиот манастир и ѓаконите: Димче Азески и Николче Ѓурѓиноски.

По светата Литургија се освети и се прекрши празничниот колач.

Празникот посветен на овоплотувањето на Второто лице од св. Троица, Бог Син, преку раѓањето во тело од Дева Марија, познат како Рождество Христово – Божиќ, торжествено со празнични богослужби се прослави во сите храмови во Дебарско-кичевска епархија. Во предвечерието на Божиќ, Митрополитот Дебарско-кичевски г. Тимотеј во црквата посветена на светите апостоли Петар и Павел во Кичево, во сослужение на повеќемина свештенослужители, а во присуство на многуброен верен народ отслужи празнична вечерна богослужба и ги освети бадниковите гранчиња. Утредента, на Божиќ, во црквата свети Никола – Геракомија во Охрид, Владиката отслужи света Литургија на која верниот народ кој со пост и молитва се приготвувал се причести со Телото и Крвта на нашиот Спасител Господ Исус Христос. На 08.01. Митрополитот г. Тимотеј служеше Литургија во манастирот посветен на св. Пантелејмон и св. Климент на Плаошник. На 09.01, денот кога Црквата го празнува споменот на светиот првомаченик и архиѓакон Стефан, во црквата св. Георгиј во Струга, Владиката служеше света Литургија.

ХРИСТОС СЕ РОДИ !!!
НАВИСТИНА СЕ РОДИ !!!

"Денес Дева Го раѓа Творецот на вселената, пештерата рај станува, а на оние во темнината, ѕвездата им Го покажува Сонцето - Христа; Мудреците со даровите, просветлени со верата, Му се поклонија; Aнгелите пак пееја и говореа: Слава на Бога во висините."

О, каква неискажлива тајна! Каква неиспитлива премудрост на Божјата промисла за спасение на човечкиот род! Кој може да ја опише таа неизмерна љубов и милосрдие на преблагиот Господ, Кој слегува на земјата да се роди заради нас и нашето спасение, да прими тело и стане човек, помирувајќи го огревовеното човештво со Бога. Сè до Христа оваа љубов му беше туѓа на светот. Како сонце таа блесна од Витлеемските јасли и се рашири по целиот свет, дарувајќи нè со благодатната и спасителна вера, надеж и љубов, чиста слобода, братство и еднаквост во Христа.

Buy Kicks | Real Talk: adidas Stan Smith, Forever - Fotomagazin

Празникот посветен на упокојувањето на преподобен Наум, охридскиот чудотворец, свечено, со празнични богослужби се одбележа во неговиот манастир. Празнувањето започна со служење на празнична вечерна богослужба со која чиноначалствуваше Неговото Високопреосвештенство Митрополит Повардарски, г. Агатангел во сослужение на игуменот на Светинаумовата обител, архимандрит Нектариј.

По повод празникот на мирликискиот чудотворец, свети Никола, се служеше света, божествена архиерејска Литургија во црквата „Свети Никола – Ѓеракомија“ во Охрид, на која чиноначалствуваше Неговото Високопреосвештенство, Митрополитот Дебарско-кичевски г. Тимотеј во сослужение на архимандрит Партениј, игумен на Бигорскиот манастир „Свети Јован Крстител“, јеромонахот Макариј, собрат во Бигорскиот манастирот „Свети Јован Крстител“, свештеник Димче Ѓорѓиески, парох Варошки, свештеник Саше Костадиноски и ѓаконите: Димче Азески и Николче Ѓурѓиноски, референти при Дебарско-кичевската епархија. Забележително беше присуство на голем број православни верници, кои подготвувајќи се со пост, молитва и исповед, во голем број пристапија и се причестија од Чашата на Животот со Телото и Крвта на нашиот Спасител, Господ Исус Христос.