На 13.11.2023 година, во навечерието на празникот на св. бесребреници Козма и Дамјан и на св. Јаков Костурски, во храмот "Св. Климент Охридски" во Канбера, Австралија, беше отслужена Вечерна богослужба, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештеникот Радојчо Митрев и протоѓаконот Николче Ѓурѓиноски. На Вечерната богослужба, Митрополитот Тимотеј го произведе свештеникот Радојчо во протоерејски чин, а по завршувањето на Вечерната, Митрополитот Тимотеј се обрати кон верниот народ со пригодна беседа, којашто ви ја пренесуваме во целост.

Повеќе...

На 12.11.2023 година, во 23 Недела по Педесетница и на празникот на св. ап. Клеопа и на св. мч- ци. Зиновиј и Зиновија, Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, игуменот Гаврил, свештеникот Горан Божиновски и протоѓаконот Николче Ѓурѓиноски, изврши осветување на храмот "Св. вм_чка. Недела" во Голд Кост, Квинсленд, Австралија. По осветувањето на храмот, беше отслужена света архиерејска Литургија, а на крајот, Митрополитот Тимотеј се обрати кон верниците со пригодна беседа, којашто интегрално ви ја пренесуваме. 

Повеќе...

На 10.11.2023 година, во навечерието на празникот на св. мч-чка Анастасија Римјанка, во храмот "Пресвета Богородица" во Бризбан, Австралија, беше отслужена Вечерна богослужба, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, игуменот Гаврил, свештеникот Горан Божиновски и протоѓаконот Николче Ѓурѓиноски. По завршувањето на Вечерната богослужба, Митрополитот Тимотеј се обрати кон верниците со пригодно слово, во кое упати поздрав до нашиот верен народ во овој град, со повик секогаш да се стремат да го изберат тесниот, но единствениот вистински пат.

Повеќе...

На 09.11.2023 година, во просториите на културниот центар при црквата "Св. вмч, Димитриј Солунски" во Волонгонг, Австралија, беше одржано редовното Епархиско собрание на Австралиско-сиднејската епархија. На собранието, според дневниот ред, Митрополитот Тимотеј даде извештај за изминатите години од 2019 до 2023 година, потоа беше разгледан и прифатен финансискиот извештај на Епархијата, беа избрани нови членови на телата и органите на Епархијата, а беа разгледани и повеќе прашања од животот на Епархијата.

Повеќе...

На 08.11.2023 година, денот кога го славиме споменот на св. вмч. Димитриј Солунски, во храмот "Св. вмч. Димитриј Солунски" во Волонгонг, Австралија, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на Неговото Преосвештенство Епископот Сиднејски и Австралиско-новозеландски г. Георгиј од Руската задгранична црква, протоереј-ставрофорите Никола Христоски и Љупчо Двојаковски, игуменот Гаврил, протоереите Наум Деспотовски и Климент Џепароски, свештеникот Роберт Илијевски и протоѓаконите Николче Ѓурѓиноски и Мартин од Руската задгранична црква. Овој ден беше навистина торжествен за овој наш свет храм, кој стана дом на дел од моштите на светиот вмч. Димитриј Солунски, подарени од Епископот Георгиј, а кои беа свечено донесени пред светата Литургија. Како знак на благодарност кон нашиот ценет гостин, од името на Епархијата, Митрополитот Тимотеј му подари прекрасна панагија, а управата на храмот прекрасна икона од свети Георгиј. Епископот, пак, Георгиј се заблагодари за гостопримството и му подари на нашиот Митрополит прекрасен рачен крст. По завршувањето на Литургијата, Митрополитот Тимотеј се обрати кон верниот народ со пригодна беседа, којашто ви ја пренесуваме во целост, а на самиот крај беше прекршен и празничниот колач. 

Повеќе...
Страница 7 од 277

Fotogalerija

galerija

Izdava{tvo

izdavastvo

Crkoven kalendar

Март 2015
Пон Вто Сре Чет Пет Саб Нед
23 24 25 26 27 28 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5