НАЈНОВО ОД ДЕБАРСКО-КИЧЕВСКАТА ЕПАРХИЈА

„Откако примивте благодат за исцеленија, им давате здравје на оние што се во неволја, лекари и чудотворци преславни! Но, со вашата посета, соборете ја дрскоста на воините, лекувајќи го светот со чудеса!“ (кондак на светите бесребреници и чудотворци Козма и Дамјан)

На ден 14.11.2011 година го прославуваме споменот на светите бесребреници и чудотворци Козма и Дамјан и во нивна чест во храмот „Св. Козма и Дамјан“ во Охрид, беше отслужена света архиерејска Литургија на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на свештениците Љупчо Симиџиески, Игор Никовски и Горан Ставрески и ѓаконот Николче Ѓурѓиноски. По завршувањето на литургијата беше извршен чинот на Мал водосвет и беше прекршен празничниот колач, а Митрополитот Тимотеј се обрати кон многубројниот верен народ со пригодна беседа.

affiliate tracking url | Nike

„Храбро си извојувал голема победа; затоа, разгорен со љубов Божествена, си го презрел распадливиот цар и секоја убавина, кога се насели во Козјак Планина. Од неа, пак, се вознесе на небесата при Царот над царевите, Прохоре. За сите нас моли се непрестајно“ (кондак на преподобен Прохор Пчински).

На ден 01.11.2011 година го прославуваме споменот на великиот подвижник на Црквата Христова и Светиклиментова преподобниот Прохор Пчински, како и споменот на светиот Јован Рилски. По тој повод, во манастирот „Свети Климент и Пантелејмон“ – Плаошник во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј (Најдоски), свештениците Игор Никовски, Никола Христоски и Горан Ставрески и ѓаконот Васко Голабоски. По завршувањето на Литургијата беше прекршен празничниот колач, а Митрополитот Тимотеј се обрати кон присутните верници со пригодно слово, во кое се задржа на животот на преподобниот Прохор и неговиот подвиг и во кое го помоли преподобниот да биде наш постојан заштитник и молитвеник пред Бога.

Sport media | Air Jordan Retro - 2021 Release Dates + Preview , Fitforhealth

„Сите набожно да ја воспееме сечесната Параскева, светата застапница на оние што се неволи, зашто таа го остави гнилежниот живот, и прими негнилежен за вечноста; затоа, по Божја заповед, најде слава и благодат да прави чудеса“ (кондак на празникот на преподобна мајка Параскева).

На 27.10.2011 година, денот кога го прославуваме споменот на преподобната мајка Параскева – Петка, во манастирот „Св. Петка“ во с. Велгошти, Охрид, беше отслужена света архиерејска Литургија на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на свештениците Никола Кипријанов, Игор Никовски и Горан Ставрески и ѓаконот Николче Ѓурѓиноски. Манастирот беше посетен од многуброен верен народ кој дојде да учествува на светата Литургија и да и оддаде чест на оваа голема подвижничка. По завршувањето на Литургијата, Митрополитот Тимотеј се обрати кон верните со пригодна беседа, која во целост ви ја пренесуваме.

url clone | Nike News

На ден 20.10.2011 година, Неговото Високопреосвештенство Митрополитот Дебарско-кичевски г. Тимотеј, во придружба на д-р Сашо Цветковски, директор на НУ Музеј „Д-р Никола Незлобински“ Струга и ѓаконите Николче Ѓурѓиноски и Васко Голабоски, направија посета на неколку храмови во Дебарското архиерејско намесништво. Најпрво го посетија храмот „Св. пророк Илија“ во с. Селце, каде што беа пречекани од г-дин Кирил Јаневски. Храмот е извонреден како архитектонска градба, а, исто така, поседува и други уметнички вредности.

Патувањето продолжи во с. Тресонче, каде беше посетен централниот храм „Св. ап. Петар и Павел“, во чиј двор се наоѓа и гробот на големиот црковен уметник Дичо Зограф и неговиот син Аврам, а беше посетен и помалиот храм „Св. Никола“. Беа разгледани двата храма во присуство на месното население и ангажирањето на г-дин Зоран. Покрај другото, беа дадени и упатства за зачувување и запазување на црковните вредности. Најпосле се посети и храмот „Успение на Пресвета Богородица“ во с. Гари, каде, исто така, беа дадени упатства за зачувување на сакралното богатство.  

Sneakers Store | Air Jordan 1 Retro High OG "UNC Patent" Obsidian/Blue Chill-White For Sale – Fitforhealth

„Денес, Богомајко, ние верните луѓе светло празнуваме, штитени од твоето доаѓање и, гледајќи кон твојот пречист лик, умилно говориме: Со твојот чесен омофор покриј нè, и од секакво зло избави нè, молејќи Го твојот Син, Христа нашиот Бог, да ги спаси душите наши“.

На ден 14.10.2011 година го прославуваме празникот Покров на Пресвета Богородица и си споменуваме за чудото во храмот на Пресвета Богородица во Влахерна, во Цариград. По повод овој празник беше отслужена света архиерејска Литургија на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на свештениците Никола Христоски и Горан Ставрески и ѓаконот Николче Ѓурѓиноски. Литургијата беше отслужена во капелата во резиденцијата на нашиот Митрополит Тимотеј, која е и посветена на овој голем празник. Ова празнување нека нè потсети на постојаното покровителство на Пресвета Богородица и да запомниме дека кога и да го бараме нејзиното покровителство, тој нејзин покров, секогаш ќе нè покрие и заштити од сите наши непријатели.

affiliate tracking url | M2k Tekno