Во четвртата недела од светата Четириесетница, посветена на свети Јован Лествичник, Владиката Дебарско-кичевски г. Тимотеј со свештенослужители од Охридското и Струшкото архиерејско намесништво, отслужи света Литургија во соборната градска црква „Св. Ѓорѓи“ во Струга.
Третата недела од светата Четириесетница во Дебарско-кичевската епархија, Охридското архиерејско намесништво беше прославена со архиерејска Литургија, отслужена во манастирот „Св. Климент Охридски и вмч. Пантелејмон" на Плаошник – Охрид.
На светата Литургија чиноначалствуваше неговото високопреосвештенство митрополитот Дебарско-кичевски г. Тимотеј, во сослужение на архимандрит Нектариј и свештениците Игор Никовски и Никола Христоски, како и ѓаконот Димче Азески.
Во Неделата на православието Митрополитот Дебарско-кичевски г. Тимотеј, во сослужение на свештенослужители од Охридското архиерејско намесништво отслужи света Василиева Литургија во црквата „Св. Никола" – Геракомија во Охрид.
На светата Литургија на која присуствуваа голем број на верници со пригодна беседа, говорејќи за овој празник и за христијанските добродетели, се обрати Владиката Тимотеј, а потоа и подолго време ги причести верниците, кои во поголем број подготвени пристапија кон Светиот Путир.
Великопосните богослужби во Охридското архиерејско намесништво на Дебарско-кичевската епархија во првите четири дена од светата Четириесетница се извршуваат со едноцрквие во „Св. Богородица – Каменско" во градот Охрид. На богослужбите присуствуваат сите свештенослужители од намесништвото, со востановен ред на дежурен свештеник, кој ги извршува богослуженијата, а останатите свештенослужители, возглавени од Митрополитот Дебарско-кичевски г. Тимотеј, своето молитвено учество во богослужбите го дополнуваат на двете певници.
Nike footwear | Nike Air Force 1'07 Essential blanche et or femme - Chaussures Baskets femme - Gov
