НАЈНОВО ОД ДЕБАРСКО-КИЧЕВСКАТА ЕПАРХИЈА

Во Великата недела, кога го прославуваме Воскресението Христово, според Уставот на нашата света Црква, се служи Вечерна богослужба, на која се чита и Евангелието за јавувањето на Воскреснатиот Христос на учениците на разни јазици. Овој настан е уште познат како Второ Христово Воскресение. На 05.05.2013 година, денот кога го прославивме овој настан, во катедралниот храм „Св. Софија“ во Охрид, на Вечерната богослужба чиноначалствуваше Неговото Високопреосвештенство Митрополитот Дебарско-кичевски г. Тимотеј, кој го читаше Евангелието на црковнословенски јазик, во сослужение на архимандрит Нектариј (француски јазик), протоереј-ставрофор Сашо Богданоски (латински јазик), свештениците Никола Христоски, Димче Азески (грчки јазик), Владо Недески (англиски јазик) и Ѓорѓи Блажевски (македонски јазик) и ѓаконите Николче Ѓурѓиноски (руски јазик) и Сашо Целески (италијански јазик). Свештеникот Никола Христоски го прочита Велигденското послание, испратено од Архиепископот Охридски и Македонски г.г. Стефан, заедно со членовите на Светиот архиерејски синод на Македонската православна црква – Охридска архиепископија. По завршувањето на богослужбата, Митрополитот Тимотеј им подели по едно црвено велигденско јајце на сите верници, кои со радост дојдоа да го прослават Воскреснатиот Христос и да запеат: Христос воскресна од мртвите, со смртта, смртта ја победи, и на оние во гробовите живот им даде!

best Running shoes | Best Custom Jordans of All Time - Fashion Inspiration and Discovery

„Заспан со тело, како мртов си воскреснал по три дена, Цару и Господи, откако го крена Адама од распадливоста, и смртта ја уништи; Пасха на нетление, и на светот – спасение“ (Егзапостилар на служба на Воскресение Христово).

„Влезете сите во радоста на својот Господ; примете ја наградата и првите и вторите; богати и сиромаси, ликувајте заедно; испосници и мрзливи, чествувајте го овој ден. Радувајте се денес, и вие што сте постеле, и вие што не сте постеле“ – вака ни се обраќа светиот Јован Златоуст на овој светол и радосен ден. Нашата тага за Распнатиот и Погребаниот Христо, постана неискажлива радост. Денес Христос ги скрши оковите на смртта и адот, и демоните паднаа. Затоа и сите извикуваме: „Смрт, каде ти е осилото? Аде, каде ти е победата?

affiliate link trace | NIKE HOMME

„Оној што некогаш ја затвори бездната, сега мртов се гледа и, завиткан во смирна и плаштаница, Бесмртниот како смртен во гроб се полага; а жените, плачејќи горчливо, дојдоа да Го помазат со миро, викајќи: Оваа сабота е најблагословена, зашто во неа Христос, заспан, по три дена ќе воскресне“ (кондак на Утрена на Велика Сабота).

Христос се спушти со својата нераспадлива и божествена душа во адот, и им ја соопшти радосната вест на сите, кои Го очекуваа спасението. И адот се избезумува, чувствувајќи ја преголемата Божја сила, зашто во него дојде Оној, Кој има власт над сета вселена. Во него слегува Оној, Кој дојде да ја разруши силата на смртта и вратите на адот.

На овој Велик ден (02.05.2013 година), Неговото Високопреосвештенство Митрополитот Дебарско-кичевски г. Тимотеј богослужеше во храмот „Св. вмч. Ѓорѓи“ во Охрид, во сослужение на протоереј-ставрофор Сашо Богданоски, протоереите Димче Ѓорѓиески и Игор Никовски и ѓаконот Николче Ѓурѓиноски. Свештенството и многубројниот верен народ едногласно го испеаја Опелото на Распнатиот Христос, и со жална поворка околу Божествениот храм, Го погребаа Распнатиот за светот Христос. Митрополитот Тимотеј се обрати кон верниот народ со пригодна беседа, која во целост ви ја пренесуваме.

Sports Shoes | adidas

„Кога Јосиф од Ариматеја Те симна од крстот мртов Тебе, Христе, Животот на сите, со смирна Те попрска и со плаштаница Те зави, и полн со љубов, со срцето и усните го целиваше Твоето нетлено тело: но обземен од страв, радувајќи се, Ти пееше: Слава на Твоето понижување, Човекољупче“ (стиховна стихира на Вечерна на Велики Петок).

На Велики Петок утрото продолжуваме со опевање на страданијата и долготрпението на нашиот Спасител. Преку Царските часови, на кои уште еднаш се читаат страдалните Евангелија, повторно се преживуваме маките Христови. Откако му проповедаше спасение на човечкиот род, сега Христос се положува во гроб,  за да им проповеда и на оние, кои одамна го чекаат во мрачниот ад. Овој ден го прославивме на 03.05.2013 година, а Неговото Високопреосвештенство Митрополитот Дебарско-кичевски г. Тимотеј боголужеше во храмот „Успение на Пресвета Богородица – Каменско“ во Охрид, во сослужение на свештениците Димче Азески и Ѓорѓи Блажевски и ѓаконот Николче Ѓурѓиноски. На поставениот гроб Христов насреде храмот, беше изложена плаштаницата, а свештенството и верниот народ ја целиваа и Му се молеа на Господа со зборовите на разбојникот: „Спомни ме, Господи, во Царството твое“. 

bridgemedia | adidas Campus 80s South Park Towelie - GZ9177

„Со дрвото Адам беше иселен од рајот, и со крсното дрво разбојникот во рајот се всели: првиот, кога вкуси, ја отфрли заповедта на Творецот; вториот, пак, распнат со Тебе, Те призна за Бог, викајќи: Спомни ме, Господи, во Царството Твое“ (стихира на Блажени на Утрена на Велики Петок).

Во светиот и Велик Четврток вечер, кога ја пееме Утрената служба од Велики Петок, ги славиме спасителните страдања на нашиот Спасител, Господ Исус Христос. Со затемнети очи од гревот, не Го познаа Месијата, оние, за кои Он се понижи и дојде во овој свет, па Го предадоа, Го мачеа, Го плукаа, а на крај, и на крст Го распнаа. Христовите страданија ни ги пренесоа четворицата евангелисти, низ дванаесетте страдални евангелија, кои се читаа на светата богослужба. На овој ден, 02.05.2013 година, Неговото Високопреосвештенство Митрополитот Дебарско-кичевски г. Тимотеј богослужеше во храмот „Св. вмч. Ѓорѓи“ во Струга, во сослужение на протоереј-ставрофор Илија Танаскоски, протоереј Темелко Донески, свештеник Петре Бојчиноски и ѓаконите Николче Ѓурѓиноски и Васко Голабоски.

Sports brands | UOMO, SCARPE