Поука од Преподобен Јустин Ќелиски

Во тестото на човековото битие Бог ставил квасец на христокопнежливост за да може човекот, а со него и за него и сета твар, да тежнее и да се стреми кон Христос. Оттука, сета твар во својата срж е христоцентрична и се приклонува кон Христос како кон свој природен и вечен центар, и своја цел. Како што во Својата творечка, спасителна и осветителска дејност се јавува како орач, сејач, одгледувач, така и во Својата судиска дејност се појавува како жетвар и вејач. Природно е Небесниот сејач, Кој изобилно посеал семе на вечни Божествени вистини во земјата на човечките души, да дојде и да види колку од тоа семе изгнило во тињата на сластите, колку е задушено во трњето на страстите, колку е спалено во жарта на гревољубието, а колку родило и вродило со Божествен плод.