Поука од Преподобен Викентиј Лерински

Ако некој посака да се заштити од заблуди и да остане во здравата вера, како прво, должен е да ја огради својата вера со авторитетот на Светото Писмо, а како второ, со Преданието на Црквата. Но можеби некој ќе праша: канонот на Писмата е совршен и доволен за сè, зошто кон него да го присоединуваме авторитетот на Преданието? – Затоа што Писмото не го разбираат сите исто, и еден го толкува вака, друг поинаку, така што од него може да се извлечат толку толкувања колку и глави. И затоа е неопходно да се раководиме според црковното разбирање… Што е тоа Предание? Тоа во кое верувале сите во Црквата, секогаш и насекаде… Тоа што си го примил, а не тоа што си го измислил… бидејќи наш долг не е да ја водиме верата каде што ќе посакаме, но да погледуваме каде што таа ќе нè однесе, и не своето да им го предадеме на потомците, туку да го зачуваме она што сме го примиле од предците.