Поука од Свети Лука Војно-Јасенецки

Немојте да мислите дека е забрането своите деца да ги учите на световни науки. Никако. Нашите најголеми отци и учители на Црквата и самите во младоста се предавале на изучување на сите научни, философски мудрости. Свети Василиј Велики, свети Григориј Богослов, свети Јован Златоуст биле висоообразовани луѓе во нивното време. И нашите деца треба да бидат образовани, учени. Но, единствено што е важно е нивното учење и воспитување да не се ограничи само на световната мудрост, на мудроста од овој свет. Многу е важно паралелно со тоа да ја запознаат највисоката правда и вистина за да се научат на законот Божји и заповедите Христови, да се научат на постојано благочестие, за кога ќе ги изучуваат науките, секогаш да се сеќаваат на Бог, на заповедите Божји, на патот Христов. Тогаш, и само тогаш нема дазалутаат по патот на човечка мудрост, само тогаш над сѐ ќе ја постават мудроста христијанска, познавањето на Бог.