Поука од Свети Нектрариј Егински

Христијани, ја сфативме ли големата одговорност што ја зедовме пред Бог преку Крштението? Дали познавме дека мора да се однесуваме како деца Божји, дека мора да ја усогласиме нашата волја со Божјата волја, дека мора да се ослободиме од гревот, дека мора да Го возљубиме Бог со сето наше срце и дека секогаш трпеливо мора да очекуваме заедница со Него? Дали сме помислиле на фактот дека нашето срце треба да биде исполнето со љубов што треба да се прелева и на нашиот ближен? Дали го имаме чувството дека мора да станеме свети и совршени, деца Божји и наследници на Царството Небесно? Мора да се подвизуваме за ова, за да не се покажеме недостојни и да бидеме отфрлени. Никој од нас да не ја изгуби смелоста, ниту да ја занемари својата должност, ниту да се исплаши од тешкотиите на духовната борба. Зашто Го имаме Бог за помошник, Кој нѐ утврдува на тешкиот пат на добродетелта.