Поука од Свети Нил Подвижникот

Значи, повеќе не бараме едноставност и простодушност во животот. Повеќе не ја вреднуваме тишината, која ни помага да се ослободиме од нечистотиите во минатото, туку претпочитаме цел вагон работи што бескорисно нѐ расејуваат од нашата вистинска цел. Борбата за материјални имоти нѐ направи да го заборавиме советот на Господ, Кој нѐ советуваше воопшто да не мислиме на земното, но да го бараме само Царството Небесно. И покрај сето ова, ние насобираме колку што можеме повеќе земја, купуваме стада овци, убави волови и дебели магариња… Ги одбираме и умењата што ни носат најмногу добивка, иако го бараат целото наше внимание и не ни оставаат време за сеќавање на Бог. Како да сме Го обвиниле Бог дека е неспособен да се грижи за нас, или како да сме се обвиниле самите себе дека не можеме да ги исполниме должностите на нашиот повик. Дури и ако отворено не го признаваме ова, нашите дела нѐ осудуваат; зашто ги оправдуваме патиштата на световните луѓе со тоа што се вплеткуваме во истите занимања, а можеби и работејќи на истите уште повеќе од нив.