„Заради нас доброволно се положи во јасли бесловесни, како дете, долготрпелив Спасителе, а пастирите со ангелите Те воспеаја, викајќи: Слава и похвала на Христа нашиот Бог, Кој се роди на земјата и ја обожи природата на земнородните“ (седален на Утрена на Божик).
Те величаме, Христе Боже, Кој заради нас грешните, се роди од Пречистата Дева. Оној Кој е поширок од вселената, се всели во Девојка и се понижи од човекољубие. И тоа не застапник, не ангел, туку Сам Ти Боже. Зарем има поголема љубов од тоа, Творецот да стане сличен на тварта? Зарем има нешто повозвишено од тоа, Самиот Господ да стане човек? Навистина, голема е тајната на побожноста!
На 07.01.2013 година, денот на Рождеството Христово, во храмот „Св. вмч. Ѓорѓи“ во Охрид, беше отслужена света архиерејска Василиева Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, протоереј-ставорофор Сашо Богданоски, протоереј Игор Никовски, свештениците Горан Ставрески и Владо Недески и ѓаконот Николче Ѓурѓиноски. Верниците, кои трпеливо уште во дворот на храмот, во колони чекаа да му се поклонат на новородениот Малденец, речиси без исклучок пристапија кон светиот Путир, за да можат потполно да учествуваат во радоста на својот Господар. По завршувањето на Литургијата, беше прочитано и соборното послание, во кое Архиепископот Охридски и Македонски г.г. Стефан, заедно со членовите на Светиот архиерејски синод на Македонската православна црква, повика на зачувување на светоста на бракот и семејството, но и на мир, слога и единство.
Од името на Дебарско-кичевската епархија, заедно со нејзиниот возглавител и духовен татко, Митрополитот Тимотеј, ви ги честитаме Божикните празници со срдечниот поздрав:
ХРИСТОС СЕ РОДИ – НАВИСТИНА СЕ РОДИ!
Sports Shoes | Nike nike air max paris 1 patch 2017 , Sneakers , Ietp STORE