НАЈНОВО ОД ДЕБАРСКО-КИЧЕВСКАТА ЕПАРХИЈА

„Мирото на благодатта што се излеа на тебе, те помаза да го свештенодејствуваш Евангелието за Царството небесно, секогаш споменуван светителе! Откако стана Христово благоухание, со мирисот на Неговиот разум ја исполни македонската земја. Поради тоа, милостиво примајќи ги гласовите на твоите слуги, славен Клименте, проси (од Него) да ни се даде милост голема“ (литиска стихира од Голема вечерна на свети Климент Охридски).

На ден 07.12.2012 година, со свечената празнична Вечерна богослужба, почна прославата на патронот на нашата света македонска црква и на градот Охрид, светиот Климент Охридски Чудотворец. Торжествата започнаа во манастирот „Св. Климент и Пантелејмон“ – Плаошник во Охрид, на истото место каде и овој наш просветител го ширеше словото Божјо и го водеше народот на патот кон Царството небесно. На Вечерната богослужба чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на протоереј-ставрофорите Ефтим Бетински и Сашо Богданоски, протоерејот Игор Никовски, свештениците Никола Христоски, Димче Азески и Горан Ставрески и ѓаконот Николче Ѓурѓиноски. По завршувањето на богослужбата, Митрополитот Тимотеј се обрати кон верното стадо со пригодна беседа, која во целост ви ја пренесуваме.

„Светата и Непорочна, од Светиот Дух се воведува во Светињата над светињите и хранета е од светите ангели, бидејќи е најсветиот храм на светиот наш Бог, Кој со нејзиното влегување освети сè и ја обожи паднатата природа на земните“ (стихира на Господи повикав... на Голема вечерна на Воведение на Пресвета Богородица).

На 04.12.2012 година го прославивме споменот на Воведение на Пресвета Богородица во Ерусалимскиот храм, познат кај нас уште како Пречиста. Во спомен на овој голем Богородичен празник, кој е почеток на Божјата милост и проповедта за спасение на луѓето, во храмот „Пресвета Богородица – Каменско“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на протоереј Игор Никовски, свештениците Никола Христоски, Димче Азески и Владо Недески и ѓаконите Николче Ѓурѓиноски и Сашо Целески. На Литургијата присуствуваше многуброен верен народ, кој речиси без исклучок пристапи кон светата Чаша. Митрополитот Тимотеј се обрати со пригодна беседа, која интегрално ви ја пренесуваме.

trace affiliate link | Vans Shoes That Change Color in the Sun: UV Era Ink Stacked & More – Fitforhealth News

На ден 23.11.2012 година, се изврши осветување на новиот крст на врвот од куполата на параклисот „Св. Серафим Саровски“ во манастирот „Св. Јован Крстител – Бигорски“. Чинот на осветување го изврши Неговото Високопреосвештенство Митрополитот Дебарско-кичевски г. Тимотеј, во сослужение на Неговото Преосвештенство Епископот Велички г. Јосиф, архимандритот Партениј, игумен на Бигорската обител, еромонасите Доситеј, Макариј и Ефросиниј, свештеникот Никола Христоски и ѓаконот Васко Голабоски. На чинот присуствуваа мноштво верници, меѓу кои беше и дарителот на овој параклис, г. Роберт Хот. Светиот Серафим Саровски секогаш нека се моли за нашите души и нека биде наш застапник пред Бога. Амин.

Adidas shoes | 『アディダス』に分類された記事一覧

„Архистратизи – водачи на духовните сили, кои ја осветлувате вселената со зраците на Трисолнечната слава, вие со непрестаен глас ја пеете Трисветата песна; затоа молете се, да се спасат душите наши“ (литиска стихира на Вечерна).

На ден 21.11.2012, кога го прославуваме свештениот спомен на Соборот на светиот Архистратиг Михаил и на другите бесплотни сили, во манастирот „Св. Наум Охридски“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, игумен на манастирот, протоереј-ставрофор Тоди Јовани, свештеник Горан Ставрески и ѓаконите Николче Ѓурѓиноски и Сашо Целески. По завршувањето на Литургијата, Митрополитот Тимотеј им се обрати на верните со пригодно слово, а потоа беше прекршен празничниот колач.

Sports Shoes | Aimé Leon Dore x New Balance 550 'Red' — Ietp