По повод патрониот празник на градот Охрид, св. Климент Охридски, на 08.12.2011 година, беше доделено највисокото општинско признание, Свети Климентовата награда. Годинешен добитник на оваа награда е Неговото Високопреосвештенство Митрополитот Дебарско-кичевски г. Тимотеј, поради Неговата 30 годишна митрополитска дејност во Светиклиментовиот град. Според зборовите на градоначалникот на град Охрид, Митрополитот Тимотеј ја добива оваа награда поради тоа што со голем елан стана голем градител на нови цркви, иницијатор и реализатор на проекти за реконструкција на постојните цркви и манастири. Во изминатиот период тој остварил околу 200 осветувања на цркви и црковни објекти, а најголемите активности на тој план ги реализирал токму во Охрид. Благодарение на Владиката Тимотеј, се возобнови забранетата традиција на фрлање на крстот во водите на Охридското Езеро, на православниот празнк Богојавление - Водици. Со овој црковно-народен собир, Охрид е еден од најпосетените градови во земјите на православието. Покрај оваа награда, беа доделени уште и три Светиклиментови повелби на професорката Соња Думбалова Делова, универзитетскиот професор д-р Јован Шикоски и на претседателот на Младинскиот совет во Охрид, г-дин Димче Каневче.
НАЈНОВО ОД ДЕБАРСКО-КИЧЕВСКАТА ЕПАРХИЈА
СВ. КЛИМЕНТ ОХРИДСКИ
„Со зборови си ги упатил народите кон верата Божија; со делата си се издигнал преблажене, кон божествен и блажен живот. Со чудеса си ги просветил оние што пристапуваат верно кон Тебе, преславно осветлувајќи ја темнината со знаменија. Поради тоа го славиме твојот божествен спомен Клименте“ (тропар на св. Климент Охридски).
ОСВЕТУВАЊЕ НА КАМЕН-ТЕМЕЛНИКОТ НА НОВИОТ КОНАК ВО МАН. СВ. СТЕФАН
На ден 07.12.2011 година Неговото Високопреосвештенство Митрополитот Дебарско-кичевски г. Тимотеј, во сослужение на протоереј-ставрофор Сашо Богданоски, старешина на манастирот, протоереј Димче Ѓорѓиески, свештеник Никола Христоски и ѓаконот Николче Ѓурѓиноски, го освети камен-темелникот на новиот конак во манастирот Св. Стефан во Охрид. Конакот е лоциран веднаш под манстирската црква, со поглед кон Охридското Езеро и градот Охрид. Митрополитот Тимотеј ја благослови градбата и се помоли за што побрзо завршување на истата.
ЧЕСТВУВАЊЕ НА СВЕТИ КЛИМЕНТ ОХРИДСКИ ВО МАКЕДОНСКАТА ПРАВОСЛАВНА БОГОСЛОВИЈА
Чествувањето на Патронот на Македонската православна црква, најпрвин се одбележа на 06.12.2011 година со свечена вечерна богослужба во храмот „Вознесение Христово“ во населбата Драчево во Скопје, каде што е сместено и средното богословско училиште. На вечерното богослужение чиноначалствуваше Неговото Високопреосвештенство Митрополитот дебарско-кичевски г. Тимотеј, а присуствуваа и Архиепископот Охридски и Македонски г.г. Стефан, Митрополитот Полошко-кумановски г. Кирил, Митрополитот Преспанско-пелагониски г. Петар и Митрополитот Повардарски г. Агатангел, кој е и ректор на Македонската православна богословија.
Best Nike Sneakers | nike air barkley posite 76ers shoes for women Maximum Volume DJ4633-010 Release Date - SBD
ВОВЕДЕНИЕ НА ПРЕСВЕТА БОГОРОДИЦА - ПРЕЧИСТА
„Денес е почеток на Божјата милост и на проповедта за спасение на луѓето. Во храмот Божји јасно Дева се јавува и Христа на сите го предвестува. Нејзе и ние велегласно и извикуваме: Радувај се, исполнување на промислата на Создателот!“ (тропар на Воведение на Пресвета Богородица).
На 04.12.2011 година, денот кога го прославуваме празникот Воведение на Пресвета Богородица, беше отслужена света архиерејска Литургија во храмот „Успение на Пресвета Богородица – Каменско“ во Охрид, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на протоереј Игор Никовски, свештениците Никола Христоски и Димче Азески и ѓаконите Николче Ѓурѓиноски и Владо Недески. Пред започнувањето на богослужбата, Митрополитот Тимотеј го произведе Горан Андрееевски во чин чтец. На Литургијата присуствуваа мноштво верници, кои речиси без исклучок пристапија кон светиот Путир и се причестија со светите крв и тело Христови. По завршувањето на Литургијата, Митрополитот Тимотеј се обрати кон верното стадо со пригодна беседа, која во целост ви ја пренесуваме.
affiliate link trace | 2021 New adidas YEEZY BOOST 350 V2 "Ash Stone" GW0089 , Ietp