Празнувањето на светиот великомаченик Пантелејмон и свети Климент Охридски Чудотворец, патронот на Македонската црква и оваа година на најторжествен начин се прослави во неговиот манастир на Плаошник во Охрид, каде што почиваат неговите свети мошти. Чествувањето започна на 8 август со празнична Вечерна богослужба со која чиноначалствуваше надлежниот Митрополит г. Тимотеј. Наредниот ден, утрото се служеше Утрена богослужба по која следеше и света архиерејска Литургија со која чиноначалствуваше Неговото Високопреосвештенство Митрополит Дебарско-кичевски г. Тимотеј во сослужение на повеќемина свештенослужители. Огромен број верници дојдоа да се поклонат на моштите од свети Климент, а меѓу нив беше и Претседателот на Република Македонија, неговата екселенција г. Ѓорѓе Иванов. Кон верниот народ Владиката се обрати со празнично слово кое во целост ви го пренесуваме.
Buy Sneakers | Women's SneakersНАЈНОВО ОД ДЕБАРСКО-КИЧЕВСКАТА ЕПАРХИЈА
ОСВЕТУВАЊЕ НА КОНАК ВО МАНАСТИРЕЦ – М. БРОД
На 7 август 2010 г., во манастирот „Рождество на Пресвета Богородица“ во с. Манастирец во Македонски Брод, се служеше света архиерејска Литургија со која чиноначалствуваше Неговото Високопреосвештенство Митрополит г. Тимотеј во сослужение на Митрополит Повардарски г. Агатангел, Епископ Хераклејски г. Климент и повеќемина свештенослужители. Вечерта, на 6 август, во присуство на надлежниот Митрополит г. Тимотеј вечерна богослужба служеше Митрополит г. Агатангел. Наредниот ден после завршувањето на светата Литургија, Архиереите заедно со останатите свештенослужители извршија осветување на новиот конак од југозападната страна на манстирскиот комплекс.
КАМЕН ТЕМЕЛНИК НА НОВА ЦРКВА ВО ВОЛИНО
На 2 август 2010 г., Илинден, во селото Волино – Охридско, се освети и положи камен-темелник за изградба на нова црква посветена на света Петка. Чинот осветување и полагање камен-темелник го изврши Владиката г. Тимотеј. После осветувањето следеше богата културно-уметничка програма.
НА ПРАЗНИКОТ ПОСВЕТЕН НА СВЕТИОТ ПРОРОК ИЛИЈА
На празникот посветен на светиот пророк Илија – Илинден, во црквата свети Ѓорѓи во Струга, Митрополит г. Тимотеј во сослужение на протојереј-ставрофор Илија Танаскоски, протојереј Митре Попоски, јереј Петре Бојчиноски, јереј Игор Никовски и ѓаконите Николче Ѓурѓиноски и Васко Голабоски служеше света архиерејска Литургија.
ОСВЕТУВАЊЕ ЦРКВА ВО СОШАНИ
На 1 август 2010 г., во селото Сошани – Охридско, надлежниот Митрополит Дебарско-кичевски г. Тимотеј во сослужение на јереј Димко Димески, јереј Игор Никовски и ѓакон Николче Ѓурѓиноски го изврши чинот осветување на нова црква посветена на „Свети Никола“. После осветувањето се служеше света архиерејска Литургија. Кон верниот народ Владиката се обрати со поучно слово кое интегрално ви го пренесуваме.