НАЈНОВО ОД ДЕБАРСКО-КИЧЕВСКАТА ЕПАРХИЈА

„Вчера се погребав со Тебе, Христе, денес воскреснувам со Тебе; вчера се распнував со Тебе, денес Самиот Ти прослави ме со Тебе во Царството Твое“ (песна од канонот на светата и велика Пасха).

Дојдете, браќа да вкусиме од новиот плод на лозјето – радоста божествена, зашто Христос воскресна од гробот по три дена. Ден е на воскресение - да се зарадуваме и развеселиме во него. Пасха чудесна – Христос го победи последниот непријател на човекот, смртта, и на сите ни дарува живот вечен. Затоа, да простиме сè со Воскресението и да запееме: Христос Воскресна од мртвите, со смртта смртта ја победи, и на оние во гробовите, живот им дарува.

Во овој Ден над деновите и Торжество над торжествата, Неговото Високопреосвештенство Митрополитот Дебарско-кичесвки г. Тимотеј чиноначалствуваше на светата архиерејска Литургија во манастирот „Св. Климент и Пантелејмон“ на Плаошник во Охрид, во сослужение на свештениците Никола Христоски, Горан Ставрески и Владо Недески и протоѓаконот Николче Ѓурѓиноски. Митрополитот им го честита најголемиот христијански празник на мноштвото верни, кои се собраа на овој ден од сите краишта на нашата земја, а свештеникот Никола Христоски, им ја пренесе Велигденската честитка од Неговото Блаженство Архиепископот Охридски и Македонски г.г. Стефан, заедно со членовите на Светиот архиерејски синод на Македонската православна црква  - Охридска архиепископија, во кое, меѓу другото, се вели:

Asics footwear | 【国内5月2日発売予定】ナイキ ウィメンズ エアマックス ココ サンダル 全4色 - スニーカーウォーズ

„Адот царува над родот човечки, но неговата власт не е вечна. А кога легна во гробот, Сесилен, со Твојата животворна рака, си ги скршил клучевите на смртта, и на оние што од вечноста таму спиеле, Ти им го проповедаше вистинското избавување, Спасителе, Кој си првенец од мртвите“ (песна од канонот на Утрена на Велика Сабота).

Седржителот, денеска на крст се возвисува и во гроб се полага, а сето создание тажи и плаче. Плаче, но и се восхитува, зашто Несместливиот во гроб ракотворен се сместува и во адот слегува, за да им го проповеда Евангелието и на мртвите и да им го навести Царството Небесно. О, чудо, добрино и трпение неискажливи!

Sports News | Zapatillas de running Nike - Mujer

„На беззакониците што Те фатија, Господи, трпејќи, вака си им зборувал: Иако Го поразивте Пастирот и ги распрснавте дванаесетте овци – Моите ученици, можев да повикам дванаесет легиони ангели; но долго трпам, за да се исполнат тајните непознати, што ви ги јавив преку Моите пророци: Господи, слава Ти“ (стихира од Царските часови на Велики Петок).

На Велики Петок продолжуваат жалните пеења за Распнатиот. Оној, Кој е Судија на живите и мртвите, го дава Својот живот за човечкиот род и за сиот свет. На крст прикован и со копје прободен, Он станува извор на бесмртност на луѓето. На овој ден, кој оваа година го прославивме на 18 април, Неговото Високопреосвештенство Митрополитот Дебарско-кичевски г. Тимотеј богослужеше во храмот „Успение на Пресвета Богородица“ – Каменско во Охрид, во сослужение на свештениците Димче Азески и Ѓорѓи Блажески, протоѓаконот Николче Ѓурѓиноски и ѓаконот Сашо Целески. Според црковниот типик, на Вечерната, која се служи ова утро, на поставениот Христов гроб насреде храмот, беше изнесена плаштаницата, а свештенството и верниот народ ја целиваа, викајќи кон Христа: Побрзај, стани, за да го видам и јас Твоето тридневно, од мртвите, воскресение.

Sport media | Air Jordan Release Dates 2021 + 2022 Updated , Ietp

„Денес виси на дрво Оној што земјата ја обеси на водите; со венец од трња е крунисан Царот на ангелите; во смешна багреница се облекува Оној што небото го облекува со облаци; шлаканици прима Оној што во Јордан го ослободи Адама; со клинци се прикова црковниот Младоженец; со копје се прободе Синот на Дева: се поклонуваме на Твоите страдања Христе, се поклонуваме на Твоите страдања Христе, покажи ни го и славното Твое воскресение“ (прва песна од Петнаесетти антифон на Утрена на Велики петок).

Во светиот и Велик Четврток вечер, кога, според обичајот на православната Црква, ја пееме утрената служба од Велики Петок, ги читаме и светите дванаесет евангелија, во кои се опишуваат страдалните маки на нашиот Спасител, Господ Исус Христос. Во овој Петок, ние со скрушеност и умиление си спомнуваме за страдањата и Крстот, кој не друг, туку Самиот Син Божји го зеде врз Своите плеќи, земајќи го со тоа гревот на сиот човечки род. Неговото Високопреосвештенство Митрополитот Дебарско-кичевски г. Тимотеј, на овој светол ден (17.04.2014), чиноначалствуваше на службата во храмот „Св. вмч. Ѓорѓи“ во Струга, во сослужение на протоереј-ставрофор Илија Танаскоски, протоереј Темелко Донески, свештениците Петре Бојчиноски и Васко Голабоски и протоѓаконот Николче Ѓурѓиноски. Со Твоето натприродно и за нас неизмерно милосрдие, Христе Боже, помилуј нè. Амин!    

Mysneakers | Women's Nike Air Jordan 1 trainers - Latest Releases , Ietp

„Да се доближиме сите со страв до тајната трпеза и со чисти души да го примиме лебот, останувајќи со Господа. Да видиме како им ги мие нозете на учениците, а и ние да направиме како што гледаме, покорувајќи се еден на друг, и еден на друг нозете миејќи ги, зашто Христос така им заповеда на Своите ученици, но Јуда – слугата и измамник, не слушна“ (икос на Утрена на Велики Четврток).

Во светиот и Велик Четврток празнуваме повеќе настани, и тоа: миењето на нозете, Тајната вечера, свештената молитва и предавството Јудино. Но, како најзначаен настан, кој го одбележува овој ден, е Тајната Вечера, односно востановувањето на светата Евхаристија, односно светата Причест. „Ова правете го во Мој спомен“  - им вели Христос на Своите ученици, а со тоа, ни остава заповед и ние истото да го чиниме. Светата Евхаристија го зазема централното место во Црквата и живото на нејзините членови. Според тоа, оној којшто учествува во неа, станува дел од Црквата, односно од Телото Христово.

Adidas shoes | Sneakers