НАЈНОВО ОД ДЕБАРСКО-КИЧЕВСКАТА ЕПАРХИЈА

„Догматите на православието си ги насадил, блажен, сечејќи го трњето на лажните учители и, семето на верата умножувајќи го добро, како добар земјоделец, стократен клас на Бога си Му принесол“ (хвалитна стихира на утрена на Втора недела од великиот пост).

Во Втората недела од Великиот пост го прославивме славниот солунски учител, светиот Григориј Палама, таткото на исихастите, кој со своите зборови и списи ги исполнувал со духовна премудрост Божја оние, кои го слушале неговото слово. Тој, со своето дело и живот, јасно им покажа на христијаните како да го исполнат својот позив и да спечалат Божјото Царство. На овој прекрасен празник, на 16.03.2014 година, во параклисот „Св. Григориј Палама“ во манастирот „Св. вмч. Георгиј“ во Рајчица, Дебар, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Партениј, еромонасите Доситеј, Макариј и Ефросиниј, свештеникот Никола Хростоски, протоѓаконот Николче Ѓурѓиноски и ероѓаконите Порфириј и Силуан. Параклисот беше премал за да ги собере многубројните верници, кои речиси без исклучок пристапија кон светите Тело и Крв Христови. По завршувањето на Литургијата, беше осветено и коливото, а со благослов на Митрополитот Тимотеј, свештеникот Никола Христоски се обрати кон верните со пригодна беседа, која интегрално ви ја пренесуваме.

Asics footwear | Nike React Element 87

„Претставувајќи го на икона Твојот божествен лик, Христе, јасно ги воспеваме Твоето раѓање, неискажливите чудеса и доброволното распнување. Од тоа и демоните бегаат и безбожните во срам редат, како нивни соучесници“ (Седален на Прва недела од Великиот пост).

Во текот на историскиот развој на Црквата, неделите од Великиот пост добиваат свое посебно значење. Оваа Прва недела е поврзана со историскиот настан на победата на православието над иконоборството и воспоставувањето на почитувањето на иконите, па затоа и истата се нарекува Недела на православието. На овој славен ден, на 09.03.2014 година, во храмот „Св. вмч. Ѓорѓи“ во Охрид, беше отслужена света архиерејска Василиева Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, протоереј-ставрофор Сашо Богданоски, протоереј Димче Ѓорѓиески, свештеник Никола Христоски и протоѓакон Николче Ѓурѓиноски. Многумина дојдоа да го прослават торжеството на православието, а тоа го потврдија и со учеството во светата Чаша. По завршувањето на Литургијата, Митрополитот Тимотеј се обрати кон своето верно стадо со пригодна беседа, која интегрално ви ја пренесуваме.

trace affiliate link | Gifts for Runners

„Носителу на свет венец, кој си ангелите сега стоиш пред Христовиот престол и оттаму се исполнуваш со светлина, страстоносецу, кој непрестајно посредуваш за мир во светот и за спасение на нас, кои благочестиво го славиме твојот светлоносен спомен, Теодоре себогати, преукрасен маченику“ (егзапостилар на свети Теодор Тирон).

Во првата сабота од Великиот пост, го празнуваме преславното чудо со коливото на светиот великомаченик Теодор Тирон, кој спречи христијаните да се осквернат со јадењето на храната испрскана со жртвена идолска крв. Во негова чест и спомен, на 08.03.2014 година, во храмот „Успение на Пресвета Богородица – Каменско“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на свештениците Никола Христоски, Димче Азески и Владо Недески, протоѓаконот Николче Ѓурѓиноски и ѓаконот Сашо Целески. На Литургијата присуствуваше многуброен верен народ, кој со пост и молитва се подготвувал да го прими Христа на крајот од оваа прва недела од Великиот пост. По завршувањето на Литургијата, Митрополитот Тимотеј ги поучи верните со пригодна беседа, која во целост ви ја пренесуваме.

url clone | Nike Shoes

„Силата на Севишниот ја осени Безбрачната за да зачне, нејзината доброплодна утроба ја покажа како плодна нива за сите што сакаат да жнеат спасение и да пеат вака: Алилуја!“ (3 Кондак од Акатист на Пресвета Богородица).

Според Типикот на светата православна Црква, за време на Великиот пост, поточно во петоците навечер, верните и вознесуваат молитви на Пресветата Владичица Богородица, која најмногу и постојано се застапува за нас пред Спасителот Христос, како Негова Мајка. На денешниот ден, 07.03.2014 година, во храмот „Успение на Пресвета Богородица – Каменско“ во Охрид, беше отслужен првиот Акатист на Пресвета Богородица, на кој чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на свештеникот Ѓорѓи Блажевски. Верните се помолија на Пресветата и ја целиваа нејзината света икона, барајќи од Мајката Божја закрила и заштита од духовните непријатели.

latest Nike Sneakers | Klær Nike

„Илија, со постот просветлен, се качи на божествената кола на добродетелите и се вознесуваше на небесната височина: него подражавај го, душо моја смирена, и пости од секоја злоба, и завист, и кавга и од секаква сладост на телесна наслада, за да ги избегнеш тешките маки од вечниот пекол, на Христа викајќи Му: Господи, слава Ти“ (стихира на Господи повикав... на Вечерна од прва среда на Великиот пост).

На 05.03.2014 година, во храмот „Успение на Пресвета Богородица – Каменско“ во Охрид, беше отслужена света архиерејска Литургија на Претходноосветени дарови, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, протоереите Димче Ѓорѓиески и Игор Никовски, свештениците Никола Христоски и Димче Азески, протоѓаконот Николче Ѓурѓиноски и ѓаконот Сашо Целески. На Литургијата присуствуваше многуброен верен народ, а повеќето од нив, кои држеле и тридневно воздржание од каква и да е храна и питие – тример, пристапија кон светиот Путир.

Sports brands | Womens Shoes Footwear & Shoes Online