НАЈНОВО ОД ДЕБАРСКО-КИЧЕВСКАТА ЕПАРХИЈА

„Штом ја дознаа од ангелот светлата проповед за воскресението Господовите ученици, и ја отфрлија прадедовската осуда, фалејќи им се на апостолите, говореа: се уништи смртта, воскресна Христос Бог, дарувајќи му на светот голема милост“ (воскресен тропар 4 глас).

На 17.02.2013 година, во 37 недела по Педесетница, како и денот кога ги празнуваме преподобните Исидор Пелусиот и Николај Студит, во храмот „Пресвета Богородица – Каменско“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, протоереј Игор Никовски, свештениците Димче Азески и Горан Ставрески и ѓаконите Сашо Целески и Ѓорѓи Блажевски. По завршувањето на Литургијата, Митрополитот Тимотеј се обрати кон своите верни чеда со пригодна беседа, која подолу во целост ви ја пренесуваме.

Best jordan Sneakers | jordan Release Dates

„Да се веселат небесните, да се радуваат земните, зашто Господ со својата сила се покажа како Господар, и со смрт ја сотре смртта, првенец од мртвите постана, од утробата на адот нè избави и на светот му даде голема милост“ (воскресен тропар глас 3).

На 10.02.2013 година, во светата 36 недела по Педесетница и денот кога го прославуваме споменот на преподобните Ефрем Сирин и Исак Сирин, во храмот „Св. Петар и Павле“ во Кичево, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, протоереј-ставрофор Ѓорѓи Лапоски, протоереј Војне Ристески, свештеник Ристо Камбуроски и ѓаконите Николче Ѓурѓиноски, Сашо Целески и Александар Матески. По завршувањето на Литургијата, Митрополитот Тимотеј се обрати кон верните со пригодна беседа, која подолу во целост ви ја пренесуваме.

latest jordans | 『アディダス』に分類された記事一覧

На ден 06.02.2013 година се навршија 120 години од смртта на нашиот преродбеник и поет, Григор Прличев. Добитникот на тогашната престижна награда Сердарот, ќе остане запаметен како поборник за воведување на македонскиот народен јазик во училиштата, а со тоа и борец против туѓите асимилаторски култури. Тој мечтае и за осамостојување на црковен план, а тоа најдобро ќе го искаже во плачот за Охридската архиепископија во песната „1762 лето“. За јазикот, но и за проповедта во црквите на туѓ, неразбирлив збор, Прличев ќе рече: А ние бедни, само името го слушаме оти викает светено писание, а што пишит во него, баре хабер немаме. Се пеет, а ние не разбираме, туку стојме како зграгорени, јазик, јазик свој си имавме и го погазивме, сите народи си учат свој јазик, а само ние учиме јазик чужди најм’чен. Децата пеет на училиште и не рзабирает, затова учет без севда и слепи останвет.

На овој ден, во дворот од храмот „Пресвета Богородица – Перивлепта“ во Охрид, каде што се наоѓа Прличевиот гроб, беше извршена Панихида, на која началствуваше Неговото Високопреосвештенство Митрополитот Дебарско-кичевски г. Тимотеј, во сослужение на протоереј Игор Никовски и свештеник Љупчо Симиџиески. На Панихидата присуствува повеќе личности од јавниот и културниот живот, како и роднини на поетот. На гробот положи свежо цвеќе и делегација од Општина Охрид, предводена од градоначалникот на Охрид, г-дин Александар Петрески.  Нека му е вечен споменот!  

„Вистински просветен со зраците на Духот, свештеноучителу Тимотее, како најсветол светилник си се покажал, обиколувајќи ја целата Земја и просветувајќи ја со благодатта; и сега моли се да ни се даруваат мир и голема милост на душите наши“ (стихира на Господи повикав... на Вечерна на св. ап. Тимотеј).

На 04.02.2013 година го прославивме свештениот спомен на Божествениот сопатник и сотрудник Павлов, светиот апостол Тимотеј, кој со своите Божествени дарби ја украсил славната Ефеска митрополија. Прославувањето на овој велик апостол, како и именденот на нашиот Митрополит, започна ден претходно со свечена Вечерна богослужба во манастирот „Св. Климент и Пантелејмон – Плаошник“ во Охрид, на која началствуваше протоереј-ставрофор Сашо Богданоски, во сослужение на протоереј Игор Никовски, свештениците Димче Азески и Горан Ставрески и ѓаконите Николче Ѓурѓиноски и Сашо Целески, а на богослужбата присуствуваше и Митрополитот Тимотеј. Утредента, во истиот манастир, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, протоереј-ставрофорите Ефтим Бетински и Сашо Богданоски, протоереите Војне Ристески, Стевчо Тошевски и Игор Никовски, свештениците Ристо Камбуроски, Никола Христоски и Горан Ставрески и ѓаконите Николче Ѓурѓиноски, Васко Голабоски и Сашо Целески. По завршувањето на Литуријата беше прекршен празничниот колач, а Митрополитот Тимотеј им подели нафора на верните.

Running Sneakers Store | Buy Yeezy Slides 'Core' - Kanye West x Adidas — Ietp

„Богоглаголив и преподобен Атанасие, ти претрпе гонења и ги поднесе маките, сè додека не ја протера безбожната лага Ариева, а твоето стадо го спаси од безбожие, догматски православно изложувајќи го учењето за едносушноста на Синот со Отецот и со Духот, себлажен свештеноначалнику“ (стихира на Господи повикав... на Вечерна на св. Атанасиј и св. Кирил Александриски).

На 31.01.2013 година, го прославивме свештениот спомен на двајца великани на Александриската и на целата Црква, светите Атанасиј и Кирил. Во нивна чест, во манастирот „Св. Атанасиј Велики“, метох на манастирот „Св. Наум Охридски“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, игумен на манастирот, протоереј Игор Никовски, свештеник Горан Ставрески и ѓакон Николче Ѓурѓиноски. По завршувањето на Литургијата беше прекршен празничниот колач, а Митрополитот Тимотеј се обрати кон верните чеда со пригодна беседа, која во целост ви ја пренесуваме.

 Sports Shoes | Footwear