НАЈНОВО ОД ДЕБАРСКО-КИЧЕВСКАТА ЕПАРХИЈА

„Василие премудри, кој стоиш пред Света Троица, моли се за нас кои ти пееме и твојот спомен го почитуваме, во денот на судот да добиеме благодат, милост и очистување од гревовите, та со усти и срце да Го прославуваме единствениот Човекољубец“ (седален на Утрена на св. Василиј Велики).

На 14.01.2022 година, денот кога го прославуваме празникот на Обрезание по тело на Господ наш Исус Христос, како и споменот на светиот Василиј Велики, во манастирот „Св. Климент и Панетелејмон“ на Плаошник во Охрид, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоерејот-ставрофор Никола Христоски, еромонахот Никодим и протоѓаконот Николче Ѓурѓиноски. По завршувањето на Литургијата, беше прекршен празничниот колач со паричка, а Митрополитот Тимотеј се обрати кон верниците со пригодна беседа, којашто интегрално ви ја пренесуваме.

„Разгорен од ревноста за љубовта Христова и откако ја фрли облеката за борба, исполнет со вера и со Божествениот Дух, првомаченикот ја потврди за сите богомудрата проповед на рибарите“ (песна од канонот на Утрена на светиот апостол, првомаченик и архиѓакон Стефан).

На 09.01.2022 година, денот кога го прославуваме споменот на светиот апостол, првомаченик и архиѓакон Стефан, во храмот „Св. вмч. Ѓорѓи“ во Струга, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоерејот Васко Голабоски, свештениците Александар Димоски и Христијан Костоски, протоѓаконот Николче Ѓурѓиноски и ѓаконот Марко Спасовски. По завршувањето на Литургијата, Митрополитот Тимотеј се обрати кон многубројниот верен народ со пригодна беседа, која подолу во целост ви ја пренесуваме. На самиот крај, Митрополитот Тимотеј во организација на струшката црква им додели Божикни пакетчиња на дечињата кои беа присутни.

„Богородице Дево, која Го роди Спасителот, ти ја уништи првата клетва Евина, зашто по благоволение на Отецот стана Мајка, носејќи Го во прегратките воплотеното Слово Божјо. Оваа тајна не трпи испитување: само совера сите ние ја славиме, викајќи со тебе и говорејќи: Неискажлив Господи, слава Ти“ (хвалитна стихира на Утрена на Собор на Пресвета Богородица).

На 08.01.2022 година, денот кога го празнуваме празникот Собор на Пресвета Богородица, во храмот „Пресвета Богородица - Челница“ во Охрид, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, свештениците Димче Азески, Ѓорѓи Блажевски и Љупчо Бакрачески, протоѓаконот Николче Ѓурѓиноски и ѓаконот Марко Спасовски. По завршувањето на Литургијата беше извршен чинот на Мал водосвет и беше прекршен празничниот колач, а Митрополитот Тимотеј се обрати кон верниците со пригодна беседа, којашто интегрално ви ја пренесуваме.

Како и секоја година, и овогодинешниот празник на Христовото Рождество беше најрадосен за оние најчистите души - најмладите. Тие со нетрпение и со голема радост го очекуваат овој празник на Богомладенецот, а за нивните радосни насмевки се погрижи и Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, кој на дечињата од свештенството на Дебарско-кичевската епархија им подели Божикни пакетчиња, поздравувајќи ги со радосниот поздрав: Христос се роди!

„Осветената утроба, која беше јасно предобразена преку несогорливата капина, Го носеше Словото Божјо, соединето со човековата природа, за да ја ослободи кутрата Ева од горчливата древна клетва; ние, пак, земните, Го славиме“ (песна од канонот на Утрена на Рождество Христово - Божик).

На 07.01.2022 година, денот на Рождеството Христово, кога Словото Божјо слезе од небесата и се воплоти, земајќи ја нашата болна природа за да ја исцели, во храмот „Св. вмч. Ѓорѓи“ во Охрид, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоереј-ставрофорите Никола Христоски, Сашо Богданоски и Димче Ѓорѓиески, протоѓаконот Николче Ѓурѓиноски и ѓаконот Марко Спасовски. По завршувањето на Литургијата, беше прочитано и Божикното послание, испратено до сите верни чеда на МПЦ-ОА од Неговото Блаженство Митрополитот Скопски и Архиепископ Охридски и Македонски и на Јустинијана Прима г.г. Стефан, заедно со членовите на САс на МПЦ-ОА. Истото ви го пренесуваме во целост.