НАЈНОВО ОД ДЕБАРСКО-КИЧЕВСКАТА ЕПАРХИЈА

„На светите им приличи секаква слава и секаква похвала, зашто тие пред мечеви вратовите ги приклонија, заради Тебе, Кој си ги преклонил небесата и си слегол. Својата крв ја пролеаја, заради Тебе, Кој се понижи и облик на слуга прими. Дури до смрт се смирија, сиромаштијата Твоја подражавајќи ја. По нивните молитви и по мноштвото Твои штедрости, Боже, помилуј нѐ“ (стихира на Господи повикав... на Вечерна во среда од првата седмица на Великиот пост).

На 09.03.2022 година, во Среда од Првата седмица на Великиот пост, во храмот „Успение на Пресвета Богородица“ - Каменско во Охрид, беше отслужена света архиерејска Литургија на претходноосветени дарови, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоерејот-ставрофор Никола Христоски, свештениците Димче Азески и Васил Михајлоски, протоѓаконот Николче Ѓурѓиноски и ѓаконот Марко Спасовски. По завршувањето на Литургијата, Митрополитот Тимотеј се обрати кон верниците со пригодна беседа, која во целост ви ја пренесуваме.

„Времето посно светло да го почнеме и на духовни подвизи себе да се подложиме; душата да ја очистиме, телото да го очистиме; да постиме од секоја страст како од храна и со добродетели духот да го насладуваме; со љубов во нив усовршувајќи се, да се удостоиме сите да го видиме сечесното страдање на Христа Бога и светата Пасха, духовно радувајќи се“ (стихира на Господи повикав... на Вечерна на Прочка).

На 06.03.2022 година, во вечерните часови, во храмот „Успение на Пресвета Богородица“ - Каменско во Охрид, беше отслужена Вечерна богослужба, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоерејот-ставрофор Никола Христоски, свештениците Димче Азески и Горан Ставрески, протоѓаконот Николче Ѓурѓиноски и ѓаконот Марко Спасовски. По завршувањето на Вечерната, Митрополитот Тимотеј се обрати кон верниот народ со пригодна беседа, којашто интегрално ви ја пренесуваме. На овој свет ден, од сите верни чеда просиме прошка за сѐ што сме згрешиле, и им посакуваме лесни и богоугодни пости. На многаја лета!

„Мислам на денот страшен, и плачам поради моите лукави дела: како ќењ Му одговорам на бесмртниот Цар! Со каква смелост ќе Го погледнам Судијата, блудниот јас! Милосрден Оче, Сине Единороден, Духу Свети, помилуј ме“ (седален на Утрена во Месопусна недела).

На 27.02.2022 година, во Месопусната недела и на празникот Упокоение на свети Кирил Солунски и на преп. Авксентиј Витински, во храмот „Св. вмч. Ѓорѓи“ во Охрид, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоереј-ставрофорите Никола Христоски, Сашо Богданоски и Игор Никовски, еромонахот Никодим, протоѓаконот Николче Ѓурѓиноски и ѓаконите Марко Спасовски и Драган Шуминоски. Овој ден ќе остане засекогаш забележан во меморијата на ѓаконот Драган Шуминоски, кој на светата Литургија беше ракоположен во свештенички чин од раката на Митрополитот Тимотеј. На отец Драган му го честитаме свештеничкиот чин и се молиме на Господа да го зачува со бел образ преку правилното раководење на паствата што ќе му биде доверена. По завршувањето на Литургијата, протоерејот-ставрофор Сашо Богданоски, старешина на храмот, со благослов на Митрополитот Тимотеј, се обрати кон многубројниот верен народ со пригодно слово.

„Откако се удостои со благодатта на свештенството, славен Харалампие, светло си ја украсил Црквата со божественото страдање, што храбро си го примил заради Христа радувајќи се, чесен светилнику на вселената, кој, како непобедлив, ги озаруваш нејзиите краишта“ (кондак на Утрена на св. мч. Харалампиј).

На 23.02.2022 година, денот кога го празнуваме споменот на светиот маченик Харалампиј, во храмот „Успение на Пресвета Богородица“ - Каменско во Охрид, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештениците Димче Азески, Ѓорѓи Блажевски и Оливер Димитров, еромонахот Никодим, протоѓаконот Николче Ѓурѓиноски и ѓаконот Марко Спасовски. На денешниот ден на маченикот, Митрополитот Тимотеј го ракоположи во ѓаконски чин дипломираниот богослов Драган Шуминоски. Од името на Митрополитот, свештенството, монаштвото и сите верни чеда на нашата Епархија, му го честитаме чинот на Драган, со молитви кон Севишниот Он да го упатува по стапките на Неговите заповеди. По завршувањето на Литургијата, беше благословен медот, а Митрополитот Тимотеј се обрати кон верниците си пригодна беседа, којашто интегрално ви ја пренесуваме.

„Ти, Кој слезе на земјата да го спсиш светот, со доброволното Твое сиромаштво, поради големата Твоја милост, мене осиромашениот сега од секое добро дело, како милостив, спаси ме“ (песна од канонот на Утрена во Неделата на блудниот син).

На 20.02.2022 година, во Неделата на блудниот син и на празникот на светиот Партениј Лампсакиски, во манастирот „Св. Јован Крстител“ - Бигорски, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на Неговото Преосвештенство Епископот Антаниски г. Партениј, архимандритот Доситеј, протоерејот-ставрофор Никола Христоски, еромонасите Макариј, Еразмо, Ефросиниј, Кирил и Анатолиј, свештениците Миле Ангелоски и Павел Крцоски, протоѓаконот Николче Ѓурѓиноски и ероѓаконите Порфириј и Силуан. По завршувањето на Литургијата, беше осветено коливото, а Митрополитот Тимотеј се обрати кон многубројниот верен народ со пригодна беседа, којашто подолу во целост ви ја пренесуваме. Повод за овој наш собир во Бигорскиот манастир беше и именденот на Епископот Партениј, игумен на манастирот, а во оваа прилика му го честитаме од името на нашиот Митрополит, свештенството, монаштвото и сите верни чеда на нашата Епархија. Епископот Партениј, во знак на благодарност и молитвеното застапништво на Митрополитот Тимотеј во изминатите 27 години, го дарува Митрополитот со прекрасен пасхален енколпион. На самиот крај, од името на монасите во Бигорската обител, архимандритот Доситеј му подари прекрасна митра на Епископот Партениј, а подароци му дадоа и повеќе верници. Во продолжение ви ја пренесуваме бесдата на Митрополитот Тимотеј.