,,Петнаесетмината Христови страдалници, тврди пазители на градот Струмица, денес се покажуваат како светли ѕвезди: Тимотеј, Теодор, славните јерарси, Евсевиј, Комасиј, и божествениот Сократ, со десетмината сострадалци, осветлувајќи ги сите со зраците на чудесата.”
(кондак на Утрена на празникот на св. Петнаесет Тивериополски маченици)
На 11.12.2025 година, кога го празнуваме споменот на св. Петнаесет Тивериополски маченици, во параклисот „Свети Јован Богослов“ при Православниот богословски факултет во Белград беше отслужена света архиерејска Литургија. Неговото Високопреосвештенство, Митрополитот Дебарско-кичевски г. Георгиј, зеде учество и сослужуваше на светата архиерејска Литургија, на која чиноначалствуваше викарниот Епископ Моравички г. Тихон.
