„Откако ги порази сите непријателски оружја, великомаченику Георгие, ти си ја уништил идолската лага, извикувајќи: Пејте Му, луѓе, на Христа Бога, и превозносете Го во вековите.“
(песна од канонот на Утрена на св. вмч. Георгиј Победоносец).
На 09.12.2025 година, на денот на славниот спомен на светиот великомаченик Георгиј Победоносец и на преп. Алимпиј Столпник, во храмот „Св. вмч. Георгиј“ во Охрид, беше отслужена света архиерејска Литургија, на којашто чиноначалствуваше Неговото Високопреосвештенство, Митрополитот Дебарско-кичевски г. Георгиј.
По завршувањето на Божествената Литургија, во името на свештеничкото братство и парохјаните при храмот, на Митрополитот му беа подарени архиерејски одежди.





