,,Богословието без ревност не се измолува, ревноста без љубов висина не достигнува, љубовта е дар од Бога кој со ништо не се купува, и трагајќи по него до Пресветиот се стигнува, о богослови, ревнители и милозвучни струни – Василие, Григорие и Јоване, до Христа стигнавте Кој при Себе ве привлече, затоа молете се за нас на кои Надеж ни е Отецот, прибежиште Синот, а покров Духот Свети. Троице Пресвета слава Ти.” 1
На 12.02.2026 година, на празникот на светите Три Светители: свети Василиј Велики, свети Григориј Богослов и свети Јован Златоуст, во манастирот „Свети Климент и Пантелејмон“ – Плаошник Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Георгиј, во сослужение на Неговото Високопреосвештенство Митрополитот Европски г. Пимен.
Во продолжение линк од видео материјалот: https://fb.watch/FmHjWJxP4a/
- Тропар на св. Три Светители. ↩︎
